લંડનના મેયર સાદિક ખાને મોટી ઘટના જાહેર કરતાં જણાવ્યું હતું કે “મને લાગે છે કે જો નવા પ્રતિબંધો લાવવામાં આવે, અને તે અનિવાર્ય છે, તેવા સંજોગોમાં અમારા હોસ્પિટાલીટી, કલ્ચર અને રીટેઇલ ક્ષેત્રો માટે નાણાકીય સહાયનું એક મોટું પેકેજ હોવું જોઈએ. મને ડર લાગે છે કે છેલ્લા કેટલાક દિવસોથી અમે ઓમિક્રોનના ચેપનો મોટો ઉછાળો જોયો છે. જો કે હોસ્પિટલમાં દર્દીઓની સંખ્યા ગયા વર્ષની સરખામણીએ આ વખતે ઓછી છે, જેમાં વેન્ટિલેટર પર રહેલા લોકોનો સમાવેશ થાય છે, પરંતુ પોઝિટિવ કેસોની સંખ્યા ઘણી ઉપર છે. છેલ્લા 24 કલાકમાં, અમારી પાસે લગભગ 30,000 પુષ્ટિ થયેલા નવા કેસ છે, અને છેલ્લા સાત દિવસમાં, 130,000થી વધુ પુષ્ટિ થયેલા નવા કેસ છે અને દિશા ફક્ત એક જ તરફ ઉપર જઈ રહી છે.”
- વેલ્સે 27 ડિસેમ્બરથી, ક્રિસમસ પછી નાઈટક્લબોને બંધ કરવાનો આદેશ આપ્યો છે.
- નેશનલ હેલ્થ સર્વિસે આ અઠવાડિયે 4 મિલિયન બૂસ્ટર-શૉટ્સ આપ્યા હતા.
- UKHSAના તાજેતરના ડેટા દર્શાવે છે કે રસીના બે ડોઝ ઓમિક્રોન વેરિઅન્ટ સામે રક્ષણ કરવા માટે પૂરતા નથી, પરંતુ બૂસ્ટર નોંધપાત્ર રીતે રક્ષણમાં વધારો કરે છે.
- NHS આંકડાઓ મુજબ ઇંગ્લેન્ડમાં 40 વર્ષથી વધુ ઉંમરના 75 ટકા પાત્ર લોકો તેમના બૂસ્ટર-શૉટ્સ પ્રાપ્ત કરી ચૂક્યા છે, 50 વર્ષથી વધુ ઉંમરના લોકોની સંખ્યા 80 ટકા છે.
- યુકેમાં ઓમિક્રોન કેસોની કુલ સંખ્યા 37,101 પર અને રવિવારે એકંદરે કોવિડ-19ના કારણે ચેપગ્રસ્ત થયેલા લોકોની સંખ્યા 82,886 પર પહોંચી ગઈ છે.
- કોરોનાવાઇરસ ટેસ્ટીંગના 28 દિવસમાં મૃત્યુ પામેલા લોકોની સંખ્યા 45 પર પહોંચી છે.
