ભારતીય ક્રિકેટ ટીમનો સુકાની રોહિત શર્મા અંગૂઠાની ઈજાના કારણે બાંગ્લાદેશ સામેની શ્રેણીની પ્રથમ ટેસ્ટ મેચ નહીં રમે. બાંગ્લાદેશ સામેની બીજી વન-ડેમાં રોહિતને અંગૂઠાની ઈજા થઈ હતી. તેના સ્થાને ઓપનર એશ્વરનને તક આપવામાં આવી છે.
બાંગ્લાદેશ સામે ભારત પ્રથમ ટેસ્ટ મેચ 14 થી 18 ડીસેમ્બર દરમિયાન, પછી બીજી અને અંતિમ ટેસ્ટ મેચ 22 થી 26 ડીસેમ્બર દરમિયાન રમશે.
સ્પિનર રવિન્દ્ર જાડેજા અને ફાસ્ટ બોલર મોહમ્મદ શમી પણ ઈજાના કારણે બાંગ્લાદેશ સામેની શ્રેણીમાં તેમનો સમાવેશ કરાયો નતી. આ સંજોગોમાં પસંદગીકારોએ નવદીપ સૈની અને સૌરભ કુમારને ટીમમાં સ્થાન આપ્યું હતુ. સૌરાષ્ટ્રના જયદેવ ઉનડકટને પણ તક અપાઈ છે.
ભારતીય ટીમઃ કે. એલ. રાહુલ (કેપ્ટન), ચેતેશ્વર પુજારા (વાઈસ કેપ્ટન), શુભમન ગિલ, વિરાટ કોહલી, શ્રેયસ ઐયર, ઋષભ પંત (વિ.કી.), ભરત (વિ.કી.), આર. અશ્વિન, અક્ષર પટેલ, કુલદીપ યાદવ, શાર્દુલ ઠાકુર, મોહમદ સિરાજ, ઉમેશ યાદવ, એશ્વરન, નવદીપ સૈની, સૌરભ કુમાર તથા જયદેવ ઉનડકટ.
