ભારતીય સિનેમાના બે દિગ્ગજ કલાકારો રજનીકાંત અને અમિતાભ બચ્ચન ફરીથી મોટા પડદા પર ફરી એકસાથે જોવા મળશે. હમ, અંધા કાનૂન અને ગિરફ્તાર જેવી ફિલ્મોમાં એકસાથે જોવા મળ્યા પછી આ બંને લગભગ 32 વર્ષ પછી થલાઈવર 170 નામની આગામી ફિલ્મ એકસાથે કરી રહ્યાં છે.
હાલમાં જ રજનીકાંત તેની ફિલ્મ જેલરના શૂટિંગમાં વ્યસ્ત હતા. જોકે હવે શૂટિંગ પૂરું થઈ ગયું છે. આ પછી તે લાલ સલામ પર કામ કરી રહ્યો છે. આ બે ફિલ્મો પછી તે ટીજે જ્ઞાનવેલની ફિલ્મ થલાઈવર 170 પર કામ શરૂ કરશે. એવું કહેવામાં આવી રહ્યું છે કે આ તેમની કારકિર્દીની 170મી ફિલ્મ હશે, તેથી તેને હાલમાં ફિલ્મનું નામ થલાઈવર 170 નામ આપવામાં આવ્યું છે.
