પોતાની ગર્લફ્રેન્ડ તરનજીત રિયાઝ ઉર્ફે તરનજીત ચગરને નિર્દયતાથી માર મારી હત્યા કરનાર ભારતીય મૂળના લેસ્ટરના રહેવાસી 50 વર્ષીય રાજ સિદપરાને ગયા અઠવાડિયે લેસ્ટર ક્રાઉન કોર્ટમાં ટ્રાયલ બાદ ઓછામાં ઓછી 21 વર્ષની જેલની સજા સાથે આજીવન કેદની સજા આપવામાં આવી હતી.
તેઓ લગભગ પાંચ મહિનાથી રિલેશનશિપમાં હતા અને 6 મેની બપોરે તરબત રોડ પરના તેમના ઘરે ઈમરજન્સી સર્વિસને બોલાવવામાં આવી ત્યાં સુધીમાં તરનજીતનું મૃત્યુ થઈ ચૂક્યું હતું.
44 વર્ષની તરનજીત ચહેરા પર વ્યાપક આઘાત, કાળી આંખો, મગજમાં રક્તસ્રાવ અને અન્ય ઇજાઓ વચ્ચે 20 પાંસળીના ફ્રેક્ચર સાથે મળી આવી હતી. તેણે માનવવધનો આરોપ કબૂલ્યો હતો પરંતુ તેણીને મારવા અથવા તેણીને ગંભીર નુકસાન પહોંચાડવાના ઇરાદાનો ઇનકાર કર્યો હતો.
કોર્ટે સાંભળ્યું હતું કે સિદપરાને આલ્કોહોલ ડિપેન્ડન્સ સિન્ડ્રોમ હોવાનું નિદાન થયું હતું અને અગાઉની ગર્લફ્રેન્ડ અને તેની સાથે જોડાયેલા લોકોને મારી નાખવાની ધમકીઓ અને હેરાનગતિ કરવા સહિતના 46 ગુનાઓ માટે તેને 24 વખત દોષિત ઠેરવવામાં આવ્યો હતો.
