પોસ્ટ ઓફિસ કૌભાંડમાં ચોરીના આરોપસર ખોટી રીતે દોષિત ઠેરવીને ચાર મહિના જેલના સળિયા પાછળ ધકેલી દેવાયેલા પોસ્ટમિસ્ટ્રેસ સીમા મિશ્રાએ માંગણી કરી હતી કે જેમણે પોસ્ટ ઓફિસના કૌભાંડને ઢાંકી દીધું હતું તેમને જેલમાં ધકેલી દેવા જોઈએ.
વર્ષો સુધી જૂઠું બોલ્યા પછી, આખરે મને – અને ઘણા અન્ય લોકો આખરે એવા જવાબો મેળવી શકે છે જે માટે અમને દાયકાઓથી નકારવામાં આવ્યા હતા.
સીમાએ જણાવ્યું હતું કે ‘’લાંબા સમયથી રાહ જોવાતી પોસ્ટ ઓફિસ તપાસમાં પુરાવા આપવાને કારણે હું દગો પામેલી અને બલિદાનનો બકરો બનેલા સબપોસ્ટમાસ્ટરોમાંની એક છું. તેમ છતાં હું ફરીથી મારી અગ્નિપરીક્ષામાંથી પસાર થવાનો ડર અનુભવું છું. હું જે આઘાત સહન કરું છું તેનો અર્થ એ છે કે હું હજી પણ આજીવન સજા ભોગવી રહી છું. મને યાદ છે કે જ્યારે હું નવેમ્બર 2010માં ગિલ્ડફર્ડ ક્રાઉન કોર્ટમાં મારા ટ્રાયલમાં ગઇ હતી ત્યારે મને સીધી જેલમાં મોકલી દેવામાં આવી હતી.’’
‘’વેસ્ટ બાયફ્લીટ, સરેમાં પોસ્ટ ઓફિસના ખાતામાંથી £74,609 ગાયબ થઈ ગયા પછી મને ચોરી અને ખોટા એકાઉન્ટિંગ માટે દોષિત ઠેરવાઇ હતી. હું તે વખતે સગર્ભા અને ભયભીત હતી. તો ઘરે દસ વર્ષનો પુત્ર હતો. મને હાથકડી પહેરાવી લઇ જવાઇ હતી. મારી 15 મહિનાની સજામાંથી ચાર મહિનાની સજા ભોગવી હતી અને મુક્તિના બે મહિના પછી મેં બાળકને જન્મ આપ્યો હતો.’’
‘’ગયા એપ્રિલમાં લંડનની હાઈકોર્ટમાં મારી સજાને રદ કરવામાં ન આવી ત્યાં સુધી કાયદાની નજરમાં હું ગુનેગાર હતી. ત્યાં સુધી મારા પતિ દવિન્દર અને મેં અમારી આજીવિકા ગુમાવી હતી. કથિત રીતે ચોરી કરેલા પૈસા ચૂકવવા માટે અમારું બીજું ઘર જપ્ત કરવામાં આવ્યું હતું. મને શેરીમાં અજાણ્યા લોકો પણ ચોર કહેતા હતા અને દવિન્દર પર હુમલો કરાયો હતો કારણ કે તે મારો પતિ હતો. મારા ‘ગુનાહિત’ રેકોર્ડને કારણે કામ કરવામાં અસમર્થ હતી. તો મારા પુત્રના મિત્રો અને તેમના માતા-પિતાને મારી અટક જણાવવામાં પણ શરમ અનુભવતી હતી રખેને ગૂગલ કરી તેઓ અમને ઓળખી જાય.’’
‘’મારો પરિવાર આર્થિક રીતે અપંગ હતો અને તે સમય દરમિયાન તેમના ખોટા કાર્યોને ઢાંકવામાં મદદ કરનારા અધિકારીઓને મોટા પગાર અને ઈર્ષ્યાપાત્ર જીવનશૈલીનો આનંદ માણવા માટે છોડી દેવામાં આવ્યા હતા.’’
આ દુઃસ્વપ્ન શરૂ થયાના 17 વર્ષ બાદ મને પોસ્ટ ઓફિસના ચેરમેન ટિમ પાર્કર તરફથી ગયા મે મહિનામાં માફીનો માત્ર એક જ નમ્ર, કૉપિ-પેસ્ટ કરેલો પત્ર મળ્યો છે.’’
