ફાઇનાન્શિયલ ટેકનોલોજી કંપની ફોનપેએ બુધવારે જણાવ્યું હતું કે તેના યુઝર્સ હવે સિંગાપોરમાં UPI દ્વારા ચૂકવણી કરી શકે છે. કંપનીએ આ અંગે સિંગાપોરના ટૂરિઝમ બોર્ડ સાથે એક સમજૂતી હસ્તાક્ષર કર્યાં છે. ભારતીય પ્રવાસીઓ હવે સિંગાપોરમાં 8,000થી વધુ વેપારીઓને ત્વરિત, સીમલેસ અને સુરક્ષિત ચૂકવણી માટે ફોનપે એપનો ઉપયોગ કરી શકે છે,
ભારત અને સિંગાપોર વચ્ચેના યુનિફાઈડ પેમેન્ટ્સ ઈન્ટરફેસ (UPI)માં જોડાણ કરાયું છે. તેનાથી યુઝર્સ તેમના વર્તમાન ભારતીય બેંક ખાતામાંથી સીધા જ બંને દેશો વચ્ચે તરત જ ક્રોસ બોર્ડર ટ્રાન્ઝેક્શન કરી શકે છે. ફોનપેએ એક નિવેદનમાં જણાવ્યું હતું કે સિંગાપોર ટુરીઝમ બોર્ડ (STB) અને PhonePeએ સિંગાપોરમાં ભારતીય મુલાકાતીઓ માટે UPI ચૂકવણીને પ્રોત્સાહન આપવા માટે બે વર્ષની વ્યૂહાત્મક ભાગીદારી દાખલ કરી છે. ભાગીદારીના ભાગ રૂપે, STB અને PhonePe સમગ્ર ભારત અને સિંગાપોરમાં સંયુક્ત માર્કેટિંગ પ્રયાસોમાં રોકાણ કરશે, જેથી મુખ્ય પ્રવાસન હોટસ્પોટ્સ પર સીમલેસ UPI ટ્રાન્ઝેક્શનને પ્રોત્સાહન મળે.
