‘’ઓમિક્રોન વાઇરસ એ આપત્તિ નથી, રસીઓ હજુ પણ તેનાથી ગંભીર રોગ સામે રક્ષણ આપે તેવી સંભાવના છે. મારા કેટલાક સાથીદારોને તે ભયાનક લાગે છે પણ મને લાગે છે કે તેઓ પરિસ્થિતિને ખૂબ જ વધારે પડતી બતાવે છે” એમ યુકે સરકારના સાયન્ટિફિક એડવાઇઝરી ગ્રુપ ફોર ઇમરજન્સીના માઇક્રોબાયોલોજિસ્ટ પ્રોફેસર કેલમ સેમ્પલે જણાવ્યું છે.
પ્રોફેસર સેમ્પલે બીબીસીને કહ્યું હતું કે “રસીકરણથી રોગપ્રતિકારક શક્તિ હજુ પણ તમને ગંભીર રોગથી બચાવે તેવી શક્યતા છે. તમને નસકોરાં અથવા માથાનો દુખાવો અથવા ખરાબ શરદી થઈ શકે છે, પરંતુ તમને હોસ્પિટલમાં કે ICUમાં દાખલ થવું પડે કે દુર્ભાગ્યે મૃત્યુ થવાની સંભાવના આ રસી દ્વારા ઘણી ઓછી થઈ ગઈ છે અને હજુ પણ ભવિષ્યમાં થશે. યુકે આવતા વેરિઅન્ટને રોકવું શક્ય ન હોય તેવા સંજોગોમાં તેના આગમનમાં વિલંબ કરવો મહત્વપૂર્ણ છે. તેનાથી બૂસ્ટર ઝુંબેશને આગળ વધારવા માટે વધુ સમય મળશે અને વૈજ્ઞાનિકોને વાયરસ વિશે વધુ સમજવા માટે લાંબો સમય મળશે.
એક રસી નિષ્ણાત માને છે કે ‘’એ અત્યંત અસંભવિત છે કે નવો ઓમિક્રોન વેરિઅન્ટ યુકેમાં કોવિડ-19 રોગચાળાના મોટા નવા તરંગને ટ્રિગર કરશે.
ઓક્સફર્ડ વેક્સિન ગ્રૂપના ડિરેક્ટર પ્રોફેસર એન્ડ્રુ પોલાર્ડે જણાવ્યું હતું કે ‘’નવો વેરિઅન્ટ વર્તમાન રસીકરણને ટાળી શકશે કે કેમ તેની ખાતરી કરવી “ખૂબ વહેલું” છે, ત્રણ અઠવાડિયા સુધી જાણી શકાય તેવી શક્યતા નથી. પરંતુ ઓમિક્રોનમાં મોટાભાગના પરિવર્તનો સ્પાઇક પ્રોટીનના સમાન ભાગોમાં છે જે અન્ય વેરિઅન્ટ્સમાં ઉભરી આવ્યા છે. અમારી પાસે થોડો આશાવાદ છે કે રસી હજુ પણ ગંભીર રોગ માટેના નવા વેરિઅન્ટ્સ સામે કામ કરશે.’’
સરકારના રસી અંગેના સૌથી વરિષ્ઠ સલાહકારોમાંના એક સર જ્હોન બેલે જણાવ્યું હતું કે ‘’નવા પ્રકારના વેરિઅન્ટથી જેમણે રસી લીધી હશે તેમને “વહેતું નાક અને માથાના દુખાવા” સિવાય બીજું કંઈ જ નહીં થાય.
કેટલીક ચાવીરૂપ કોવિડ-19 રસીઓ પાછળની ફાર્માસ્યુટિકલ કંપનીઓએ વિશ્વાસ વ્યક્ત કર્યો છે કે જો ઓમિક્રોન વેરિઅન્ટ ફેલાશે તો તેઓ ઝડપથી તેમની રસીને અનુકૂલિત કરી શકશે. તો ફાઇઝર અને
બાયોએન્ટેકે જણાવ્યું હતું કે ‘’તેઓ રેગ્યુલેટરની મંજૂરીને આધીન, આશરે 100 દિવસમાં આ વેરિઅન્ટ સામે બનાવેલી રસી વિકસાવવા અને ઉત્પન્ન કરવામાં સક્ષમ થવાની અપેક્ષા રાખે છે”. મોડર્નાએ જણાવ્યું હતું કે તેણે 2021 ની શરૂઆતથી જ નવા વેરિઅન્ટ્સ સામે વ્યૂહરચના વિકસાવી છે. નોવાવેક્સે ઉમેર્યું હતું કે તેણે B.1.1.529ના જાણીતા આનુવંશિક ક્રમના આધારે પહેલેથી જ કોવિડ-19 રસી બનાવવાનું શરૂ કરી દીધું છે અને આગામી થોડા અઠવાડિયામાં તેનું ટેસ્ટીંગ અને ઉત્પાદન શરૂ કરવા માટે તૈયાર હશે”.
