ભારતના જેવેલિન થ્રોઅર નીરજ ચોપરાએ લુઝેન ડાયમંડ લીગ એથ્લેટિક્સમાં 87.66 મીટરના અંતરે ભાલો ફેંકી ગોલ્ડ મેડલ પ્રાપ્ત કર્યો હતો.
તેનો આ વર્ષનો બીજો અને કુલ 8મો આંતરરાષ્ટ્રીય ગોલ્ડ મેડલ છે. નીરજે પ્રથમ રાઉન્ડમાં ફાઉલથી શરૂઆત કરી હતી. પ્રથમ રાઉન્ડના અંતે નીરજ ટોચના ત્રણ ખેલાડીઓમાં પણ નહોતો. એ પછી બીજા પ્રયાસમાં નીરજે 83.52 મીટરનો થ્રો કર્યો. જોકે, બીજા રાઉન્ડના અંતે પણ જુલિયન લીડમાં હતો. આમ છતાં નીરજની રેન્કિંગમાં સુધારો થયો હતો અને તે ત્રીજા નંબરે પહોંચી ગયો.
