સરદાર પટેલની જન્મજયંતિના અવસરે વડાપ્રધાન નરેન્દ્ર મોદીએ મંગળવારે ગુજરાતની પ્રથમ હેરિટેજ ટ્રેનને લીલી ઝંડી દર્શાવી હતી. આ હેરિટેજ ટ્રેન એકતાનગરથી અમદાવાદ સુધી દોડશે, જે પ્રવાસીઓને સરદાર વલ્લભભાઈ પટેલના સ્મારક સ્ટેચ્યુ ઓફ યુનિટી પર લાવશે. ત્રણ ડબ્બાવાળી હેરિટેજ ટ્રેનમાં ઇલેક્ટ્રિક એન્જિન છે.
વડાપ્રધાને મોદીએ એકતાનગર ખાતે એકતા દિવસની ઉજવણી દરમિયાન ટ્રેનને લીલી ઝંડી બતાવતા કહ્યું હતું કે આ ટ્રેન હેરિટેજ અને આધુનિક સુવિધાઓનું મિશ્રણ છે. એકતા નગર કેવડિયા તરીકે પણ ઓળખાય છે, તે નર્મદા જિલ્લામાં આવેલું છે.
ત્રણ કોચમાં 48 બેઠકો છે અને પ્રવાસીઓ સાગના લાકડાના ડાઇનિંગ ટેબલ અને બે સીટર ગાદીવાળા સોફા સાથે 28-સીટર એસી રેસ્ટોરન્ટ ડાઇનિંગ કારમાં એક કપ ચા અને નાસ્તો માણી શકે છે.
વડોદરાના ડિવિઝનલ રેલ્વે મેનેજર જીતેન્દ્ર કુમાર સિંઘે જણાવ્યું હતું કે, “5 નવેમ્બરથી આ ટ્રેન રવિવારે સાપ્તાહિક સેવા તરીકે ચાલશે. સેવાના પ્રતિસાદને ધ્યાનમાં લીધા પછી ફ્રિકવન્સીમાં વધારો કરવામાં આવશે.” ટ્રેનનું વન-વે પ્રવાસનું ભાડું ₹885 હશે.એકતા નગર અને અમદાવાદ વચ્ચે 182 કિલોમીટરની મુસાફરી દરમિયાન ટ્રેનને કોઈ સ્ટોપેજ નહીં મળે.
વિશ્વની સૌથી ઊંચી પ્રતિમા ઉપરાંત, કેવડિયામાં જંગલ સફારી, રાફ્ટિંગ, મેઝ, ક્રૂઝ, લાઈટ એન્ડ સાઉન્ડ શો, ગ્લો ગાર્ડન અને નર્મદા આરતી સહિત અનેક પ્રવાસન આકર્ષણો છે.
