કોરોના મહામારીના બે વર્ષ દરમિયાન પૂર્વ અમદાવાદના 8 પોલીસ સ્ટેશનોમાંથી કુલ 1.67 કરોડ રૂપિયાનો દારૂ જપ્ત કરવામાં આવ્યો હતો. જેને મંગળવારે બુલડોઝરની મદદથી નષ્ટ કરી દેવામાં આવ્યો હતો. ડેપ્યુટી પોલીસ કમિશનર ઝોન-5 અચલ ત્યાગી અને સાત પોલીસ ઈન્સ્પેક્ટર સહિત અંદાજે 200 પોલીસકર્મીઓની હાજરીમાં દારૂની બોટલોનો નાશ કરવામાં આવ્યો હતો. મેદાન ઉપર દારૂની બોટલો ગોઠવવા માટે પાંચ કલાક જેટલો સમય લાગ્યો હતો અને બે કલાક સુધી રોડ રોલરને દારૂની બોટલો ઉપર ફેરવી નાશ કરવામાં આવી હતી. મેદાનની અંદર જ ખાડો ખોડી તૂટેલી કાચની બોટલો અને બીયરના ટીનને દાટી દેવામાં આવ્યા હતા. દારૂની બોટલોના નાશનાં દ્રશ્યો જોવા માટે મોટી સંખ્યામાં લોકો મેદાન પર ઉમટી પડ્યા હતા, અને કામગીરી દરમિયાન લોકોને હટાવવા માટે પોલીસકર્મીઓ સતત પ્રયાસો કરી રહ્યા હતા
અમદાવાદના રામોલ વિસ્તારના ખુલ્લા મેદાનમાં પૂર્વ અમદાવાદના આઠ પોલીસ સ્ટેશનમાંથી 2020 અને 2021ના વર્ષ દરમિયાન ઝડપી પાડવામાં આવેલાં દારૂના જથ્થાનો નાશ કરવામાં આવ્યો હતો. પૂર્વ અમદાવાદના બાપુનગર, ગોમતીપુર, રખિયાલ, અમરાઈવાડી, નિકોલ, ઓઢવ અને રામોલ પોલીસ સ્ટેશનની હદમાં આવતાં વિસ્તારોમાંથી ભારતીય બનાવટની વિદેશી દારૂની બોટલો ઝડપી પાડવામાં આવી હતી. પોલીસ ઓફિસરના જણાવ્યા અનુસાર આઠ પોલીસ સ્ટેશનોમાંથી મળી આવેલી ભારતીય બનાવટની વિદેશી દારૂની બોટલો નષ્ટ કરવામાં આવી હતી, તેમાં માત્ર ગોમતીપુર પોલીસ સ્ટેશનની દારૂની બોટલો વર્ષ 2019ની હતી, જ્યારે અન્ય સાત પોલીસ સ્ટેશનોમાં દારૂની બોટલો 2020 અને 2021 દરમિયાન જપ્ત કરવામાં આવી હતી020 અને 2021નું વર્ષ કોરોના મહામારીથી પ્રભાવિત હતું,
આઠ પોલીસ સ્ટેશનો મોટા ભાગે અડધું અમદાવાદ કવર કરી લે છે, કે જેમાં અંદાજે 34 લાખ વસતીનો અંદાજ છે.
