કોરોના વાયરસ સંકટની વચ્ચે ભારત સરકારના ટ્વિટર હેન્ડલને લઈને અમેરિકાનું વલણ બદલાયુ છે. વ્હાઈટ હાઉસે વડાપ્રધાન નરેન્દ્ર મોદી, વડાપ્રધાન કાર્યાલય, રાષ્ટ્રપતિ ભવન સહિત ભારતના કુલ છ ટ્વિટર હેન્ડલને અચાનક અનફોલો કરી દીધા છે. ભારત દ્વારા હાઈડ્રોક્સીક્લોરોક્વીન આપવાના નિર્ણય બાદ 10 એપ્રિલે વ્હાઈટ હાઉસના ટ્વિટર હેન્ડલે વડાપ્રધાન મોદી અને ભારતના કેટલાક ટ્વિટર હેન્ડલને ફોલો કર્યા હતા.
અમેરિકા અન્ય કોઈ દેશો અથવા દેશોના નેતાઓના ટ્વિટર હેન્ડલને ફોલો કરતું નથી. પરંતુ અપવાદ રૂપે ભારતના હેન્ડલ્સને ફોલો કર્યું હતું. પરંતુ હવે અમેરિકાએ પોતાનું વલણ બદલ્યું છે અને વડાપ્રધાન મોદી અને કેટલાક ભારતીય ટ્વિટર હેન્ડલ્સને અનફોલો કરી દીધા છે.
હકીકતમાં કોરોના વાયરસના સારવાર માટે જ્યારે અમેરિકાને હાઈડ્રોક્સીક્લોરોક્વીનની દવાની જરૂર હતી ત્યારે ભારતે પોતાના નિર્ણય બદલીને અમેરિકા સહિત અન્ય કેટલાક દેશોને આ દવા ઉપલબ્ધ કરાવી હતી. જેના કેટલાક દિવસો બાદ વ્હાઈટ હાઉસે ભારત સરકાર સહિત કેટલાક ટ્વિટર હેન્ડલ્સને ફોલો કર્યું હતું.
