ભારતે સોમવારે મલ્ટીપલ ઇન્ડિપેન્ડન્ટલી ટાર્ગેટેબલ રી-એન્ટ્રી વ્હીકલ (MIRV) ટેક્નોલોજી સાથેની સ્વદેશી ધોરણે વિકસિત મિસાઇલ સિસ્ટમનું સફળતાપૂર્વક પ્રથમ પરીક્ષણ કર્યું હતું. આ અંગેની જાહેરાત કરીને વડાપ્રધાન નરેન્દ્ર મોદીએ તેને મિશન દિવ્યાસ્ત્ર ગણાવ્યું હતું.
હાલમાં અમેરિકા, બ્રિટન, ફ્રાન્સ, ચીન અને રશિયા પાસે MIRV મિસાઇલો છે. પાકિસ્તાને 2017માં તેનું પરીક્ષણ કર્યું હતું. અગ્નિ-5ની રેન્જ 5000 કિમી (3100 માઈલ) છે, જે તેને ઈન્ટર-કોંટિનેંટલ બેલિસ્ટિક મિસાઈલ (ICBM) જેવી બનાવે છે. MIRV મિસાઇલ ભારતની મિલિટરી રીસર્ચ શાખા ડિફેન્સ રીસર્ચ એન્ડ ડેવલપમેન્ટ ઓર્ગેનાઇઝેશને ડેવલપ કરી છે.
વડાપ્રધાન નરેન્દ્ર મોદીએ ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશનના વૈજ્ઞાનિકોને ભારતમાં નિર્મિત અગ્નિ-5 મિસાઈલના પ્રથમ પરીક્ષણ માટે અભિનંદન પાઠવ્યા હતા
પરંપરાત મિસાઇલો સામાન્ય રીતે એક જ વોરહેડ વહન કરીને લક્ષ્યાંક પર પ્રહાર કરી શખે છે. જ્યારે આ નવી મિસાઇલમાં બહુવિધ ન્યુક્લિયર વોરહેડ રાખી શકાય છે.
બહુવિધ સ્વતંત્ર રીતે-લક્ષિત રીએન્ટ્રી વાહનો એક મિસાઈલને એક વોરહેડ વહન કરતી પરંપરાગત મિસાઈલથી વિપરીત વિવિધ લક્ષ્યો પર બહુવિધ પરમાણુ શસ્ત્રો તૈનાત કરવાની પરવાનગી આપે છે. આ મિસાઈલો પરના વોરહેડ્સ અલગ-અલગ ગતિ અને દિશાઓમાં છોડવામાં આવી શકે છે. કેટલીક MIRVed મિસાઇલો 1,500 કિલોમીટરના અંતર સુધીના લક્ષ્યોને નિશાન બનાવી શકે છે.આ મિસાઈલો પરના વોરહેડ્સ અલગ-અલગ ગતિ અને દિશાઓમાં છોડવામાં આવી શકે છે. MIRV ટેકનોલોજી સાથેની કેટલાંક મિસાઇલો 1,500 કિલોમીટરના અંતર સુધીના લક્ષ્યોને નિશાન બનાવી શકે છે.
