ભારતની આર્મીને ડિજિટલ ડિસરપ્ટિવ પેટર્ન સાથે નવો યુનિફોર્મ મળશે. આ યુનિફોર્મ હળવી અને ક્લાઈમેટને વધારે અનુકૂળ હશે, જે યુદ્ધ દરમિયાન પહેરી શકાશે. આ મામલાથી પરિચિત લોકોએ ગરુવારે આ જાણકારી આપી. તેમણે કહ્યું કે, નવો યુનિફોર્મ 15 જાન્યુઆરીએ સેના દિવસ પરેડમાં પ્રદર્શિત કરવામાં આવે તેવી શક્યતા છે.
ઘણા દેશોની આર્મીના યુનિફોર્મ પર વ્યાપક ચર્ચા-વિચારણા અને વિશ્લેષણ પછી આ નવી વર્દીને અંતિમ રૂપ અપાયું છે. ભારતમાં લગભગ 13 લાખ જવાન છે.
તેમણે કહ્યું કે, નવી વર્દી વધુ ટકાઉ હોવાની સાથે-સાથે ગરમી અને ઠંડી બંનેમાં આરામદાયક હશે. તેને સૈનિકોની તૈનાતીના ક્ષેત્રો અને ક્લાઈમેટ પરિસ્થિતિઓને ધ્યાનમાં રાખતા ડિઝાઈન કરી છે. નેવીએ ગત વર્ષે જ નવી વર્દી રજૂ કરી હતી.
આર્મીના જવાનોના નવા ડેસમાં શર્ટને પેન્ટની અંદર (અંડરશૂટિંગ) નહીં નાખવામાં આવે. સેનાનો પ્રયાસ એ છે કે, જવાનો માટે લડાઈ દરમિયાન કન્ફર્ટેબલ કપડાં રજૂ કરવામાં આવે. હજુ એ સ્પષ્ટ નથી કે, સેનાના જવાનો/અધિકારીઓની વર્દી પર સ્ટાર, બેચ અને અન્ય વસ્તુઓ રહેશે કે નહીં. તે અંગે એક અધિકારીએ કહ્યું કે, જવાનો માટે આરામદાયક વર્દી રજૂ કરવી આ સમગ્ર કવાયતનો મુખ્ય ઉદ્દેશ્ય છે. ભારતીય સેનાના અધિકારીઓએ માહિતી આપી છે કે, સેનાની નવી વર્દીમાં ઘણા એવા રંગોનો ઉપયોગ કરાયો છે, જે તેમને લડાઈ દરમિયાન દુશ્મનોની નજરથી બચવામાં મદદ કરશે. રિપોર્ટ મુજબ, સેનાની નવી વર્દી વધુ ટકાઉ હોવાની સાથે ગરમી અને ઠંડી બંનેમાં આરામદાયક હશે.
