યુરોપના સૌથી મોટા દેશ જર્મનીમાં કોરોના મોતનો આંક આ સપ્તાહે એક લાખને વટાવી જવાની શક્યતા છે. જર્મનીના કેટલાંક પડોશી દેશો આ આંકને અગાઉ વટાવી ગયા છે. કોરોના અંગેના ગૂંચવણભર્યા નિયમો, અમલમાં સખતાઈનો અભાવ, રાષ્ટ્રીય ચૂંટણી, સત્તા પરિવર્તનમાં લાંબો સમય જેવા પરિબળોને કારણે જર્મનીમાં કોરોના વકર્યો છે. આ ઉપરાંત લોકો વેક્સિન લેવામાં પણ ખચકાટ અનુભવે છે. દેશમાં અત્યાર સુધી માત્ર 68 ટકા લોકોએ કોરોના વેક્સિન લીધી છે, જે સરકારના 75 ટકાના લક્ષ્યાંક કરતાં ઘણો નીચો છે.
