રણવીર સિંહની ‘ડોન 3’ની જ્યારથી જાહેરાત થઈ છે ત્યારથી જ તેના ચાહકોમાં ફિલ્મને લઈને આતુરતા વધી ગઈ છે. આ ફિલ્મનું શૂટિંગ ભારતની સાથે વિદેશમાં પણ કરવામાં આવશે. આથી જ થોડા દિવસો પહેલાં ફરહાન અખ્તર આકર્ષક લોકેશન શોધવા માટે લંડન અને જર્મની આવ્યો હતો.
આ વર્ષના અંતે ફિલ્મનું શૂટિંગ શરૂ થાય એવી શક્યતા છે. લગભગ ચાર મહિના શૂટિંગ ચાલશે. શાહરુખ ખાનની ‘ડોન 2’નું શૂટિંગ પણ જર્મનીમાં થયું હતું. અગાઉ રણવીરની પ્રશંસા કરતાં ફરહાને જણાવ્યું હતું કે આ ફિલ્મ માટે રણવીર ગ્રેટ છે. ‘ડોન 3’ની પહેલી ફિલ્મ ‘ડોન ધ ચેઝ બિગિન્સ અગેઇન’ 2006માં રિલીઝ થઈ હતી. એમાં શાહરુખ ખાનની સાથે પ્રિયંકા ચોપડા જોવા મળી હતી. ત્યાર બાદ એની સીક્વલ ‘ડોન 2’ 2011માં રિલીઝ થઈ હતી.
