સલમાન ખાન ઘણા લાંબા સમયથી બિગ બોસનું સંચાલન કરે છે. દર્શકો પણ તેને પસંદ કરે છે. જોકે છેલ્લા કેટલાક વીકએન્ડથી આ શોમાં સલમાન ખાન નજર નથી આવ્યો. તેના સ્થાને નિર્માત્રી એકતા કપૂર, રોહિત શેટ્ટી અને રવિ કિશને શોનું સંચાલન કર્યું હતું.
આ ત્રણેય સેલીબ્રિટીઝ વીકએન્ડમાં દેખાયા પછી સલમાન ખાનના ચાહકો ઘણા ચિંતિત છે અને અટકળો લગાવી રહ્યા છે કે સલમાન ખાન ક્યાં ગાયબ છે અને તે આ શોને ફરીથી હોસ્ટ કરશે કે નહીં, એની માહિતી હજી નથી મળી. આથી તેના ચાહકો વિચારી રહ્યા છે કે શું સલમાન ખાને આ શો છોડી દીધો છે? અને રવિકિશન જ તેનું સંચાલન કરશે?
આ શોને અનેક દર્શકો, સસમાન ખાનને કારણે જોવાનું પસંદ કરે છે. સલમાન ખાનના લાખો ચાહકો છે અને બિગ બોસ 18 જ્યારથી સલમાન હોસ્ટ નથી કરી રહ્યો, ત્યારથી તેમને પણ આ શો પસંદ નથી પડી રહ્યો. જેના લીધે શોની લોકપ્રિયતા (TRP)માં પણ મોટો ઘટાડો થયો હોવાનું કહેવાય છે.
સૂત્રો કહે છે કે, સલમાન ખાન અત્યારે તેની નવી ફિલ્મ સિકંદરના શૂટિંગમાં વ્યસ્ત છે. તેનું શૂટિંગ હૈદરાબાદમાં થઈ રહ્યું છે. આ સિવાય સલમાન તેની દુબઈ ટુર દા બંગના પ્રોગ્રામમાં સામેલ થશે. જેમાં તેની સાથે અનેક મોટા ફિલ્મસ્ટાર્સ પણ પર્ફોર્મ કરશે. જોકે સલમાને બિગ બોસ 18 અંગે કોઈ અધિકૃત નિવેદન આપ્યું નથી.
