‘મોદી અટક’ અંગેના કેસમાં ગુજરાત હાઈકોર્ટના નિર્ણય સામે કોંગ્રેસ નેતા રાહુલ ગાંધી દ્વારા દાખલ કરવામાં આવેલી અરજીની સુનાવણી દરમિયાન સુપ્રીમ કોર્ટે ગુજરાત સરકાર અને કેસમાં ફરિયાદીને નોટિસ પાઠવી હતી. રાહુલ ગાંધીનો પક્ષ લેતા, વરિષ્ઠ વકીલે સુપ્રીમ કોર્ટને વિનંતી કરી કે કાં તો સજાના નિર્ણય પર રોક લગાવવામાં આવે અથવા વહેલી સુનાવણી હાથ ધરવામાં આવે. સાથે જ સુપ્રીમ કોર્ટે કહ્યું કે સુનાવણી વિના સજાના નિર્ણય પર રોક લગાવી શકાય નહીં. આ પછી સુપ્રીમ કોર્ટ નોટિસ ઇસ્યુ કરીને 4 ઓગસ્ટે સુનાવણી કરવાનું નક્કી કર્યું હતું.
સુપ્રીમ કોર્ટે કહ્યું કે આ તબક્કે મર્યાદિત પ્રશ્ન એ છે કે શું દોષિત ઠેરવવામાં આવશે? સુનાવણી પહેલા કેસની સુનાવણી કરનારા બે ન્યાયાધીશોમાંથી એકે પોતાને અલગ કરી લીધા. આ નિર્ણય પર સ્પષ્ટતા આપતા તેમણે કહ્યું કે, ‘મને એક સમસ્યા છે, મારા પિતા 40 વર્ષથી વધુ સમયથી કોંગ્રેસ સાથે જોડાયેલા છે. મારો ભાઈ હજુ પણ રાજકારણમાં છે. રાહુલ ગાંધી માટે હાજર રહેલા વરિષ્ઠ વકીલે 18 જુલાઈના રોજ આ બાબતનો ઉલ્લેખ કર્યો હતો અને અરજીની તાકીદે સુનાવણીની માગ કરી હતી, જેથી મુખ્ય ન્યાયમૂર્તિ ડીવાય ચંદ્રચુડના નેતૃત્ત્વ હેઠળની બેંચ અરજી સાંભળવા સહમત થઈ હતી.
