ઇંગ્લિશ ફૂટબોલ સ્ટાર ડેવિડ બેકહામે યુનિસેફના ગુડવિલ એમ્બેસેડર તરીકેની તેમની ભૂમિકામાં ભારતની મુલાકાત દરમિયાન ગુજરાતમાં બાળકો સાથે ક્રિકેટ રમવાનો આનંદદાયક સમય પસાર કર્યો હતો.
ઈન્સ્ટાગ્રામ પર તસવીરો શેર કરતાં માન્ચેસ્ટર યુનાઈટેડના ભૂતપૂર્વ સ્ટારે લખ્યું હતું કે “અહીં ગુજરાતમાં યુનિસેફ સાથે અવિશ્વસનીય રીતે ખાસ થોડા દિવસો વિતાવ્યાં.બાળકો અને તેમના પરિવારોને ટેકો આપવા માટે યુનિસેફે જમીન પર જે કામ કરી રહ્યું છે તે જાતે જોવું એ એક મહાન લહાવો છે. મેં અહીં જે ઉર્જા અને નવીનતા જોઈ છે તે ખૂબ જ પ્રેરણાદાયી છે અને મને બાળકોની વાર્તાઓ અને ભવિષ્ય માટે તેમની આશાઓ અને સપનાઓ સાંભળવાનું ગમ્યું. આપણે યુવાનોને સશક્ત બનાવીએ છીએ ત્યારે તેઓ તેમના સમુદાયમાં જે પરિવર્તન લાવી શકે છે તે આપણે જોઈએ છીએ.”
માન્ચેસ્ટર યુનાઇટેડ અને રીઅલ મેડ્રિડ ભૂતપૂર્વ સ્ટાર હાલમાં MLS ક્લબ ઇન્ટર મિયામીના સહ-માલિક છે. બેકહામ ભારત વિરુદ્ધ ન્યૂઝીલેન્ડ ICC ક્રિકેટ વર્લ્ડ કપ 2023 સેમિફાઇનલ મેચમાં હાજરી આપી હતી.
બેકહમ સેમિફાઈનલ પહેલા મેદાન પર આવ્યો હતો. તે બંને ટીમના ખેલાડીઓને મળ્યો હતો. બેકહમને મળ્યા બાદ ઈશાન કિશન, મોહમ્મદ સિરાજ અને સૂર્યકુમાર યાદવ જેવા ખેલાડીઓ ઘણા ખુશ દેખાતા હતા.સચિને બેકહમને ભારતના દિગ્ગજ બેટ્સમેન વિરાટ કોહલીની મુલાકાત કરાવી હતી. વિરાટે બેકહમ સાથે હાથ મિલાવ્યા અને થોડીવાર તેની સાથે વાત કરી હતી.
