બ્રિટિશ બાંગ્લાદેશી લેબર કાઉન્સિલર લીઝા બેગમની ખોટી ઓળખ આપવાના કિસ્સામાં બીબીસીએ £30,000નું બદનક્ષીનું નુકસાન ચૂકવવા સંમતિ આપી છે.
બીબીસી વન લંડન ન્યૂઝે 29 ઓક્ટોબર 2020ના રોજ સાંસદ અપ્સાના બેગમના કથિત હાઉસિંગ ફ્રોડના આરોપો વિષે એક અહેવાલ પ્રસારિત કર્યો હતો. પરંતુ તે વખતે બીબીસીએ લેબર કાઉન્સિલર લીઝા બેગમનો ખોટો વીડિયો પ્રસારિત કર્યો હતો.
બેગમના વકીલોએ દાવો કરતા પત્રમાં જણાવ્યું હતું કે ‘’આ ગૂફ-અપ વધુ સંબંધિત હતું કારણ કે વિડિયો લેબર રેસ અને ફેઇથ મેનિફેસ્ટોના લોન્ચ સાથે જોડાયેલો હતો, જેનો ઉદ્દેશ્ય “જાતિવાદી વલણ” પર કાબુ મેળવવાનો હતો. ખોટી ઓળખને કારણે બેગમને “તકલીફ” થઈ હતી. કારણ કે તે બીબીસી અને મીડિયા સામાન્ય રીતે “બીએએમઈ લોકોને ખોટી રીતે ઓળખી કાઢે છે, જે જાતિવાદી ટ્રોપ્સમાં પરિણમે છે”
મંગળવારે હાઈકોર્ટની બહાર બોલતા, લિઝા બેગમે બ્રોડકાસ્ટરને તેની ભૂલ માટે જાહેરમાં માફી માંગવા વિનંતી કરી હતી.
બીબીસીના પ્રવક્તાએ કહ્યું હતું કે “આના કારણે જે તકલીફ પડી છે તેના માટે અમે ખૂબ જ દિલગીર છીએ. લાઇવ પ્રોગ્રામ દરમિયાન આ એક સાચી ભૂલ હતી જે આર્કાઇવ ફૂટેજને અમારી સિસ્ટમમાં ખોટી રીતે લેબલ કરવામાં આવી હોવાના કારણે ઊભી થઈ હતી. અમારી સિસ્ટમને સુધારવા માટે તાત્કાલિક પગલાં લીધાં છે.’’
