ક્લાઈમેટ ચેન્જ અને સ્કીન કેર

અસહ્ય ગરમીથી લઈને વસંતની વહેલી શરૂઆત કે કસમયની હિમવર્ષા જેવી તમામ બાબતોનો આમાં સમાવેશ થાય છે. તેના સંદર્ભમાં તમારી સ્કીન કેર એક અગત્યની બાબત બની જાય છે. છેવટે, મનુષ્ય પ્રકૃતિથી અલગ નથી. આબોહવા પરિવર્તનનો અર્થ છે કે તમે જે ઋતુઓ અને હવામાનમાં રહેવા ટેવાયેલા છો તેમાં ફેરફારો સાથે, તમારે તમારી જાતની કાળજી લેવાની રીતમાં પણ ફેરફાર કરવાની જરૂર પડે છે. ખાસ કરીને, તમારી ત્વચાની વાત આવે ત્યારે આ જરૂરી છે.

ત્વચા એ શરીરનું સૌથી મહત્વનો ભાગ છે અને શરીરનો તે ભાગ છે જે પર્યાવરણ સાથે સૌથી વધુ પ્રતિક્રિયા કરે છે. તમારી સ્કીન કેર એ પ્રાથમિકતા માગી લેતી બાબત છે.

તમારી ત્વચા પર આબોહવા પરિવર્તનની અસરને ધ્યાનમાં રાખીને, સૂર્ય કિરણથી રક્ષણ અને ત્વચાના કેન્સરના જોખમને ધ્યાનમાં રાખીને, તમારી ત્વચાને અસર થઈ શકે તેવી બાબતો જોઈએ. હવામાનલક્ષી આત્યંતિક પરિસ્થિતિઓ જેમ કે પ્રદૂષણ, ઓઝોન સ્તરમાં ઘટાડો,પૂર,તાપમાન અને ભેજમાં વધારો, વાતાવરણમાં વધેલી પરાગરજ વગેરેને કારણે ડિહાઇડ્રેશનથી સનબર્ન સુધીની સમસ્યાઓ ઊભી થઈ શકે છે. વાયુ પ્રદૂષણ અને અન્ય પર્યાવરણીય પરિબળોની પણ તેની પર અસર થઈ શકે છે.

આ પરિબળોને કારણે ત્વચા અને સ્વાસ્થ્ય સમસ્યાઓ જેમ કે સ્કીન કેન્સર, ખીલ, વૃદ્ધત્વના અકાળ ચિહ્નો, સ્કીનની ફોલ્લીઓ, શિળસ, ખરજવું અને સૉરાયિસસ જેવી તકલીફો, ચેપી રોગ અને ત્વચા સંબંધિત આડઅસરો ઊભી થાય છે

ઓઝોનને પૃથ્વીના SPF તરીકે વિચારો. જેમ જેમ તે પાતળું થાય છે અથવા વિખરાય છે, તેમ તેમ વધુને વધુ યુવી કિરણોત્સર્ગ વધે છે. 2011ના સંશોધનનો અંદાજ છે કે ઓઝોન સ્તરની જાડાઈમાં માત્ર 1 ટકાનો ઘટાડો સ્ક્વોમસ સેલ કાર્સિનોમાના બનાવોમાં 3 થી 4.6 ટકા, બેસલ સેલ કાર્સિનોમામાં 1.7 થી 2.7 ટકા અને મેલાનોમામાં 1 થી 2 ટકાનો વધારો કરે છે. 2016ના સંશોધન મુજબ યુ.એસ.માં કેન્સર પહેલેથી જ બહુ સામાન્ય છે , વિશ્વભરમાં પણ  સ્કીનના કેન્સરનું પ્રમાણ સતત વધી રહ્યું છે. વર્લ્ડ હેલ્થ ઓર્ગેનાઈઝેશન  અનુસાર , વિશ્વભરમાં દર વર્ષે 2-3 મિલિયન નોન-મેલાનોમા સ્કીન કેન્સર અને 132,000 મેલાનોમા સ્કીન કેન્સર થાય છે.

એન્વાયર્નમેન્ટલ પ્રોટેક્શન એજન્સી (EPA) નોંધે છે કે ઘણા જુદા જુદા પદાર્થો જેમ કે રોફ્લોરોકાર્બન્સ (CFCs), બ્રોમિન ધરાવતા હેલોન્સ અને મિથાઈલ બ્રોમાઈડ, હાઇડ્રોક્લોરોફ્લોરોકાર્બન્સ (HCFCs), કાર્બન ટેટ્રાક્લોરાઇડ (CCI4), મિથાઈલ ક્લોરોફોર્મ ઓઝોનમાં ઘટાડા માટે જવાબદાર છે, આ પદાર્થો ઘણીવાર એરોસોલ્સ, ફીણ ઉત્પાદનો, રેફ્રિજરેટર્સ, એર કન્ડીશનીંગ અને સફાઈ દ્રાવકોમાં જોવા મળે છે.

યુવી કિરણોત્સર્ગ આબોહવા પરિવર્તન એ કંઈ સ્કીન કેન્સરનું એકમાત્ર કારણ નથી. અશ્મિભૂત ઇંધણ બાળવાથી થતા વાયુ પ્રદૂષણ ત્વચાના કેન્સરના દરમાં પણ વધારો કરી શકે છે. જ્યારે અશ્મિભૂત ઇંધણ બળે છે, ત્યારે કાર્બન ડાયોક્સાઇડ અને અન્ય પ્રદૂષકો જેમ કે પોલીઆરોમેટિક હાઇડ્રોકાર્બન હવામાં છોડે છે.

આ નેનોપાર્ટિકલ્સ , જેને PM2.5 તરીકે પણ ઓળખવામાં આવે છે, તે બાહ્ય ત્વચામાં પ્રવેશ કરે છે અને ફોલિકલ્સ અને ગ્રંથીઓ દ્વારા ત્વચામાંથી પસાર થઈ શકે છે. ટ્રાફિક પ્રદુશણના સંપર્કમાં પિગમેન્ટેડ 20 ટકાનો વધારો દર્શાવે છે. PM2.5 નો મોટો ભાગ બ્લેક કાર્બનનો બનેલો છે, જે જાણીતું કાર્સિનોજન છે. આ કણોની કાર્સિનોજેનિસિટી ત્યારે વધે છે જ્યારે તે ઝેરી ધાતુઓ અને પોલિસાયક્લિક એરોમેટિક હાઇડ્રોકાર્બન સાથે એરોસોલ બનાવે છે.

આ જ અભ્યાસમાં એવાં પુરાવા મળ્યા છે કે વાયુ પ્રદૂષણ ત્વચાની બળતરાની સ્થિતિને વધુ ખરાબ કરે છે, ખાસ કરીને એટોપિક ત્વચાનો સોજો , જેને ઇમ્યુનોસપ્રેસન્ટ દવાઓના વધુ ઉપયોગની જરૂર પડી શકે છે . એટોપિક ત્વચાકોપ અને ઇમ્યુનોપ્રેસન્ટ દવાઓ બંને ત્વચા કેન્સરનું જોખમ વધારી શકે છે.

અમેરિકન એકેડેમી ઓફ ડર્મેટોલોજી એસોસિએશન (એએડી) મુજબ , ખીલનું પ્રમાણ વધારે છે, જે 12 થી 24 વર્ષની વયના લગભગ 85 ટકા અમેરિકનોને અસર કરે છે. તે આપણી ત્વચાના pH સંતુલનને બદલી શકે છે. વધતો પરસેવો અને તેલનું ઉત્પાદન પણ ખીલના બ્રેકઆઉટમાં વધારો કરી શકે છે.

સૂર્યના સંપર્કમાં સમય જતાં ત્વચા પર વૃદ્ધત્વ વધુ અસર થઈ શકે છે.

આબોહવા પરિવર્તન યુવી કિરણોત્સર્ગ અને પર્યાવરણીય પ્રદૂષકોમાં વધારો કરે છે જે મોટા નુકસાનનું કારણ બને છે, જે સૂર્યના સંપર્કમાં આવવાની અસરોને જટિલ બનાવે છે. 2019ના અભ્યાસમાં નોંધવામાં આવ્યું છે કે વાયુ પ્રદૂષણ સ્કીનમાં ઓક્સિડેટીવ તાણ વધારે છે અને ત્વચાની અકાળ વૃદ્ધત્વમાં પરિણમે છે અથવા બગડે છે.

ઉચ્ચ તાપમાન અને ભેજ વધુ પરસેવા તરફ દોરી શકે છે, જે ખરજવું અને સૉરાયિસસ ધરાવતી વ્યક્તિઓ માટેબળતરાનું કારણ બની શકે છે. 2010ના સંશોધન મુજબ,  એવા કેટલાક પુરાવા છે જે દર્શાવે છે કે શહેરી વિસ્તારોમાં લોકોને ખરજવું થવાનું વધુ જોખમ હોઈ શકે છે, જે સૂચવે છે કે પ્રદૂષણ વધારવામાં ભૂમિકા ભજવી શકે છે.

રાષ્ટ્રીય ખરજવા એસોસિએશન માટે ત્વચારોગ વિજ્ઞાની અને વૈજ્ઞાનિક સલાહકાર બોર્ડના સભ્ય પીટર લિયો એ બાબતે સંમત થાય છે કે ખાસ કરીને ખરજવામાં ત્વચાની બળતરાની સ્થિતિ વધુ ખરાબ થતી રહેશે.

“ખરજવું બહુ સામાન્ય છે, પરંતુ તે ઔદ્યોગિક પશ્ચિમી સમાજોમાં તેનું પ્રમાણ કાસું વધારે છે કારણ કે આપણી જીવનશૈલી વધુ સેનિટાઈઝ થઈ ગઈ છે અને આપણી ત્વચા અને આંતરડાના માઇક્રોબાયોમ્સમાં બેક્ટેરિયા વૈવિધ્ય ઓછું થઈ ગયું છે,” લિયો કહે છે . ” એક ઝડપથી ગરમ થતા ગ્રહનો અર્થ છે કે ખરજવાનું પ્રમાણ રહેશે – અને સંભવિતપણે વધતું રહેશે.” લિઓએ એ પણ નોંધ્યું છે કે ખરજવું પર્યાવરણીય પરિબળો જેમ કે ગરમી, સૂર્ય, હવાની ગુણવત્તા, જંગલી આગનો ધુમાડો, પરાગરજ વગેરે કારણે પણ થઈ શકે છે. (ક્રમશઃ)