ધ પાવર ઑફ ફોટોગ્રાફી: પીટર ફેટરમેન

February 22, 2023

434

પુસ્તક ‘ધ પાવર ઑફ ફોટોગ્રાફી’ ભાષા અને સંસ્કૃતિના અવરોધોને પાર કરીને લાગણીઓને પ્રજ્વલિત કરે છે. અગ્રણી ક્યુરેટર, કલેક્ટર અને ગેલેરીસ્ટ પીટર ફેટરમેન દ્વારા સંકલિત કરાયેલા ધ પાવર ઑફ ફોટોગ્રાફી પુસ્તકમાં સમજદાર શબ્દો સાથે શ્રેણીમાંથી 120 અદ્ભુત અને આઇકોનિક ફોટોગ્રાફ્સને પસંદ કરીને રજૂ કરાયા છે. આ પુસ્તક સંવેદનશીલ ફોટોગ્રાફની અનન્ય ક્ષમતાની ઉજવણી કરે છે.

પીટર ફેટરમેન 30 વર્ષ કરતા વધુ સમયથી ફોટોગ્રાફિક આર્ટ્સમાં ચેમ્પિયન છે. તેઓ વિશ્વની સૌથી મહત્વપૂર્ણ પ્રોફેશનલ ફોટોગ્રાફી ગેલેરી ચલાવે છે. લોકડાઉનના લાંબા મહિનાઓ દરમિયાન, પીટરે પ્રેરણાત્મક લખાણો, અવતરણો અને કવિતાઓ સાથે દરરોજ એક ફોટોગ્રાફ રજૂ કર્યો હતો. આ ડિજિટલ કલેક્શને વિશ્વભરના કલારસિકે સાથે તાલ મિલાવ્યો છે.

આ કાળજીપૂર્વક ક્યુરેટ કરાયેલ તસવીરો કલાના માસ્ટર્સને શ્રદ્ધાંજલિ આપતી વખતે પ્રેરણાદાયી ઝાંખી રજૂ કરે છે. મેલ્વિન સોકોલ્સ્કીની બોસ્ચિયન કલ્પનાઓથી લઈને એન્સેલ એડમ્સના માનવતાભર્યા કૌટુંબિક પોટ્રેટ સુધી; મિહો કાજીઓકાના પરંપરાગત જાપાનીઝ સૌંદર્ય શાસ્ત્રના અર્થઘટનથી લઈને એવલિન હોફરના આનંદી રોજબરોજના દ્રશ્યો સુધી; વિખ્યાત ન્યુડ ફોટોગ્રાફર રૂથ બર્નહાર્ડના દુર્લભ આંતરિક શોટ્સથી લઈને બ્રુસ ડેવિડસનના શેરીઓમાં બૉલગેમ્સ રમતા યુવાનોના ઉદાસીન ચિત્રણ સુધીના 20મી સદીના કેટલાક સૌથી અદભૂત, અનોખા અને હ્રદયસ્પર્શી ફોટોગ્રાફ્સ આ પુસ્તકમાં રજૂ કરાયા છે.

જાણે કે દરેક ઈમેજ એક ટાઈમ કેપ્સ્યુલ છે, જે આપણને વીતેલા દિવસોની ઝલક આપે છે. છતાં દરેક ફોટોગ્રાફ શાંતિ અને ભવિષ્ય માટેની આશાની વાત પણ કરે છે.

પુસ્તક સમિક્ષા:

“જ્યારે હું ફોટોગ્રાફ કરું છું, ત્યારે હું જે નથી તે રજૂ કરું છું. હું શું બનવા માંગુ છું.” – લિલિયન બાસમેન
“…અદ્ભુત રીતે વૈવિધ્યસભર સંગ્રહ.” – લિલી સબબોટિન, ડેઇલી મેઇલ
“ફોટોગ્રાફી વિશે બહુ ઓછા પુસ્તકો છે જે આવશ્યક રેફરન્સનો દરજ્જો પ્રાપ્ત કરે છે, કદાચ સેમિનલ પણ. હું માનું છું કે આ પુસ્તક તેમાંથી એક છે. તેનો આનંદ લો!” – ગિલ્સ ડેકેમ્પ્સ, ધ આઇ ઓફ ફોટોગ્રાફી.
ઇમેઇલની જેમ જ વ્યક્તિગત કોમેન્ટ્રી સાથે એક પછી એક મહાન તસવીરો પુસ્તકને આનંદપ્રદ બનાવે છે. – ટોમ ટીકોલ્ઝ, ફોર્બ્સ
“ગેલેરીસ્ટ પીટર ફેટરમેનનો અવિશ્વસનીય સંગ્રહ નવા પુસ્તકમાં ધ્યાન પર આવે છે.” – મેક્સિમ મેગેઝિન

લેખક પરિચય

પીટર ફેટરમેને 1994 માં તેમની ગેલેરી ખોલતા પહેલા લંડન સ્થિત ફિલ્મ નિર્માતા અને કલેક્ટર તરીકે શરૂઆત કરી હતી. માનવતાવાદી ફોટોગ્રાફી પર ધ્યાન કેન્દ્રિત કરતું આ પુસ્તક યુએસએમાં પ્રસિધ્ધ થયેલા 20મી સદીના ફોટોગ્રાફીના સૌથી નોંધપાત્ર સંગ્રહોમાંનું એક છે. પીટર ફેટરમેન ગેલેરી હેનરી કાર્તીઅર-બ્રેસન, સેબેસ્ટિઓ સાલ્ગાડો, સ્ટીવ મેકક્યુરી, એન્સેલ એડમ્સ, પોલ કેપોનીગ્રો, વિલી રોનિસ, આન્દ્રે કેર્ટેઝ, મેન્યુઅલ આલ્વારેઝ બ્રાવો, લિલિયન બાસમેન, પેન્ટી સમ્માલ્લાહ, સરામોન્હ, લિલિયન બાસમેન અને જેફરી કોનલી સહિત ફોટોગ્રાફરોની વિવિધ શ્રેણીની ઉજવણીની તસવીરોને રજૂ કરે છે.

આ પુસ્તકને વાચકો દ્વારા 5માંથી 4.2 સ્ટારનું રેટિંગ અપાયું છે.