બેસ્ટવે કેશ એન્ડ કેરીની મૂળ વરિષ્ઠ મેનેજમેન્ટ ટીમના સદસ્ય અદાલત ખાન ચૌધરીનું સપ્તાહના અંતે તેમના પાકિસ્તાનમાં આવેલા પૈતૃક ઘર ખાતે નજીકના પરિવારજનોની વચ્ચે શાંતિપૂર્ણ રીતે અવસાન થયું હતું.
શ્રી ચૌધરી, સહ-સ્થાપક અને ચેરમેન, સર અનવર પરવેઝના બાળપણના મિત્ર હતા. તેમણે 70ના દાયકાના અંતમાં એક્ટન વેરહાઉસના જનરલ મેનેજર તરીકે તેમની કારકિર્દીની શરૂઆત કરી હતી અને પછીથી યુરોપમાં સૌથી મોટા કેશ એન્ડ કેરી વેરહાઉસ – એબી રોડ પર રહેવા ગયા હતા. ત્યારબાદ તેઓ 1994માં સેન્ટ્રલ ઓર્ડરિંગ વિભાગના વડા બન્યા હતા. તેમણે બેસ્ટવે કેશ એન્ડ કેરી લિમિટેડના ડિરેક્ટર અને યુકે અને પાકિસ્તાનમાં બેસ્ટવે ફાઉન્ડેશનના ટ્રસ્ટી તરીકે સેવા આપી. તેઓ 2016માં નિવૃત્ત થયા હતા.
બેસ્ટવે વતી મેનેજિંગ ડિરેક્ટર દાઉદ પરવેઝે તેમને અંજલિ આપી હતી.
