ઇન્ટરનેશનલ સિદ્ધાશ્રમ શક્તિ સેન્ટર દ્વારા અધિક માસ પ્રસંગે પ. પૂ. રાજરાજેશ્વર ગુરૂજીના સાન્નિધ્યમાં બાગેશ્વર સરકારની શ્રી રામ કથાનું આયોજન તા. 22થી તા. 28 જુલાઈ દરમિયાન રોજ બપોરે 3થી સાંજના 6:30 દરમિયાન શ્રી પ્રજાપતિ એસોસિએશન, (SPAL) 21 અલ્વરક્રોફ્ટ રોડ, લેસ્ટર LE4 6BY ખાતે કરવામાં આવ્યું છે. આ કાર્યક્રમ દરમિયાન તા. 22 અને 23 જુલાઇના રોજ સવારે 10 કલાક દિવ્ય દરબારનું આયોજન કરવામાં આવ્યું છે. આ કથાનું લાઇવ ટેલિકાસ્ટ સંસ્કાર ટીવી ચેનલ – સ્કાય 725 પર કરવામાં આવશે. લંડનમાં પણ બાગેશ્વર સરકારના દિવ્ય દરબારનું આયોજન કરવા વિચારણા ચાલી રહી છે.
અધિક માસ શુભ મહિનો છે અને હિંદુ પરંપરાઓ અને માન્યતાઓ અનુસાર આ પવિત્ર અને દૈવી સમયગાળા દરમિયાન, ઘણા લોકો ‘અધિક માસ વ્રત’ કરે છે. સમગ્ર મહિના દરમિયાન ભક્તો માળા, જાપ, પ્રદક્ષિણા, શાસ્ત્રોક્ત વાંચન અને પારાયણ કરે છે. સંપર્ક: ફોન: 020 8426 0678
