મોદી સરકારે 18 થી 22 સપ્ટેમ્બર દરમિયાન “સંસદનું વિશેષ સત્ર” બોલાવાની સૌને ચોંકાવી દીધા હતા. કેન્દ્રીય મંત્રી પ્રહલાદ જોશીએ એક્સ (અગાઉ ટ્વિટર) પર પોસ્ટ કરીને જણાવ્યું હતું કે 18 થી 22 સપ્ટેમ્બર દરમિયાન યોજાનારા “સંસદના વિશેષ સત્ર”માં પાંચ બેઠકો હશે. “અમૃત કાલ વચ્ચે, સંસદમાં ફળદાયી ચર્ચા થવાની રાહ જોઈ રહ્યા છીએ. જોકે વિશેષ સત્રનો કોઇ એજન્ડા જાહેર કરાયો ન હતો.
આ 17મી લોકસભાનું 13મું સત્ર અને રાજ્યસભાનું 261મું સત્ર હશે. બંધારણની કલમ 85માં સંસદનું સત્ર બોલાવવાની જોગવાઈ છે. આ અંતર્ગત સરકારને સંસદના સત્ર બોલાવવાનો અધિકાર છે. સૂત્રોના જણાવ્યા અનુસાર આ સત્રમાં 10થી વધુ મહત્વપૂર્ણ બિલો રજૂ કરવામાં આવશે.
એવી અટકળો છે કે ખાસ સત્ર જૂનામાંથી નવા સંસદ ભવન પર શિફ્ટ કરવાની પ્રક્રિયા શરૂ કરવા માટે બોલાવવામાં આવી રહ્યું છે. તેથી, આ સત્ર જૂની સંસદમાં શરૂ થઈ શકે છે અને નવી સંસદમાં સમાપ્ત થઈ શકે છે.
સરકારના આ નિર્ણયની વિપક્ષે ટીકા કરી હતી. શિવસેના યુબીટીના પ્રિયંકા ચતુર્વેદીએ કહ્યું, “ભારતના સૌથી મહત્વના તહેવાર ગણેશ ચતુર્થી દરમિયાન બોલાવવામાં આવેલ આ વિશેષ સત્ર દુર્ભાગ્યપૂર્ણ છે અને તે હિંદુ ભાવનાઓની વિરુદ્ધ છે. તારીખોની પસંદગી પર આશ્ચર્યજનક છે!” રાષ્ટ્રવાદી કોંગ્રેસ પાર્ટીના સુપ્રિયા સુલેએ તેને શેડ્યૂલ કરવા કહ્યું હતું.
