એશિયા કપ વન-ડે ક્રિકેટ ટુર્નામેન્ટ આગામી તા. 30 ઓગસ્ટથી પાકિસ્તાન અને શ્રીલંકાની ધરતી પર શરૂ થવાની છે. એશિયા કપ માટે ભારતીય ટીમની જાહેરાત સોમવારે (21 ઓગસ્ટ) કરાઈ હતી. આ ટુર્નામેન્ટમાં ભારતીય ટીમમાં તમામ સિનિયર્સનો સમાવેશ કરાયો છે, તો નવા ચહેરા તરીકે તિલક વર્માને તક અપાઈ છે. શ્રેયસ ઐયર અને કે. એલ. રાહુલની વાપસી થઈ છે, તો બોલિંગમાં પણ તમામ સિનિયર્સને સામેલ કરવામાં આવ્યા છે. સ્પિનર્સમાં જો કે, ચહલ અને અશ્વિનનો સમાવેશ નથી કરાયો, કુલદીપ યાદવ, જાડેજા અને અક્ષર પટેલના નામો 17ની યાદીમાં છે.
મુખ્ય વિકેટ કીપર તરીકે ઈસાન કિશન અને બેકપ તરીકે સંજુ સેમસનનો સમાવેશ કરાયો છે. રોહિત શર્મા સુકાનીપદે યથાવત છે, તો હાર્દિક પંડ્યા વાઈસ કેપ્ટન રહેશે.
ફાસ્ટ બોલર્સમાં બુમરાહની આગેવાની હેઠળ શમી, સિરાજ, શાર્દુલ ઠાકુર અને પ્રસિદ્ધ ક્રિષ્નાનો સમાવેશ કરાયો છે.
ભારતીય ટીમ આ મુજબ છેઃ રોહિત શર્મા – કેપ્ટન, હાર્દિક પંડ્યા – વાઈસ કેપ્ટન, શુભમન ગિલ, ઈસાન કિશન, વિરાટ કોહલી, શ્રેયસ અય્યર, કે. લોકેશ રાહુલ, સૂર્યકુમાર યાદવ, તિલક વર્મા, રવિન્દ્ર જાડેજા, અક્ષર પટેલ, શાર્દુલ ઠાકુર, કુલદીપ યાદવ, જસપ્રીત બુમરાહ, મોહમ્મદ સિરાજ, મોહમ્મદ શમી, પ્રસિદ્ધ કૃષ્ણા અને સંજુ સેમસન.
