નેશનલ ટ્રાવેલ એન્ડ ટુરિઝમ ઈન્ફ્રાસ્ટ્રક્ચર વ્યૂહાત્મક યોજના પર ટિપ્પણી માટે યુએસ ડિપાર્ટમેન્ટ ઓફ ટ્રાન્સપોર્ટેશને કરેલી વિનંતીના જવાબમાં લાંબા-અંતરની મુસાફરી અને પર્યટનને ટેકો આપવા માટે પરિવહન માળખાકીય સુવિધાઓનો ઉપયોગ કરવાની બાબત પર AAHOAએ ભાર મૂક્યો હતો. એસોસિએશને USDOT ને એવી નીતિઓને પ્રાધાન્ય આપવા વિનંતી કરી હતી કે જે રોડ નેટવર્ક, એરપોર્ટ અને હોટેલ્સ સહિત ઈન્ફ્રાસ્ટ્રક્ચર રોકાણમાં રોકાણ કરે, એમ AAHOA એ એક નિવેદનમાં જણાવ્યું હતું.
USDOT એ તેની વ્યૂહાત્મક યોજનાને અપડેટ કરવા માટે ટિપ્પણીઓ માંગી છે, જે 2015 ફિક્સિંગ અમેરિકાના સરફેસ ટ્રાન્સપોર્ટેશન એક્ટના આદેશનો પ્રતિભાવ છે. NTTISP રાષ્ટ્રીય પરિવહન નેટવર્કની સ્થિતિ અને કામગીરીનું મૂલ્યાંકન કરે છે, ભીડ અને મુસાફરી અવરોધોને ઓળખે છે અને નિર્ણાયક મુસાફરી ઈન્ફ્રાસ્ટ્રક્ચરને વધારવા માટે વ્યૂહરચના ઘડે છે. AAHOA એ તેની ટિપ્પણીઓમાં માંગને ઉત્તેજિત કરવા, ડિજિટલ કનેક્ટિવિટીમાં સુધારો કરવા, ટકાઉ પરિવહન વિકલ્પોને સમર્થન આપવા, ઉદ્યોગના હિસ્સેદારો માટે ધિરાણની સુવિધા આપવા અને વધુ સારા સંકલનને પ્રોત્સાહન આપવા પર પણ ભાર મૂક્યો હતો.
AAHOAએ ટિપ્પણી કરી છે કે આ નીતિ ભલામણોને અમલમાં મૂકવાથી પ્રવાસ અને પ્રવાસન ઉદ્યોગમાં ચાલતા નવસંચારને હોટલમાં અને તેના દ્વારા ઇન્ફ્રાસ્ટ્રક્ચર રોકાણનો લાભ મળી શકે છે. AAHOAએ આ મુદ્દે ટિપ્પણી કરી છે કે “આ પગલાં પ્રવાસીઓના વિશ્વાસમાં વધારો કરશે, કનેક્ટિવિટી સુધારશે, સ્થિરતાને પ્રોત્સાહન આપશે, નાણાકીય સહાય પૂરી પાડશે અને હિસ્સેદારો વચ્ચે સહયોગને પ્રોત્સાહન આપશે તથા છેવટે COVID-19 રોગચાળા પછી ઉદ્યોગના પુનરુત્થાનને આગળ ધપાવે છે.”
AAHOAએ તેની ટિપ્પણીમાં જણાવ્યું હતું કે રાષ્ટ્રીય પરિવહન નેટવર્કની કામગીરીમાં સુધારો કરવા માટેનો એક મુખ્ય ઘટક પ્રવાસીઓ માટે “હેસલ ફેક્ટર”ને દૂર કરી રહ્યું છે. આનો અર્થ એ છે કે લાંબા અંતરની મુસાફરી અને પ્રવાસ દરમિયાન પ્રવાસીઓને આવી શકે તેવી મુશ્કેલીઓ અને તકલીફોનો ઉકેલ લાવવો
“હોટલમાં રોકાણ દરમિયાન મુશ્કેલીના પરિબળને ઘટાડવા માટે, હોટેલો મહેમાનોના અનુભવને વધારવા અને પ્રક્રિયાઓને સુવ્યવસ્થિત કરવા માટે પગલાં અપનાવી રહી છે,” એમ AAHOAએ જણાવ્યું હતું. “આમાં સીમલેસ ચેક-ઇન અને ચેક-આઉટ, સુધારેલ સંચાર અને સેવાઓ અને છેલ્લામાં છેલ્લી માહિતી અને સુલભતાનો સમાવેશ થાય છે.”
