પ.પૂ.પૂજ્ય સ્વામી ચિદાનંદ સરસ્વતી જી અને પૂજ્ય સાધ્વી ભગવતી સરસ્વતી જીના સાન્નિધ્યમાં વિશેષ ગુરુ પૂર્ણિમા કાર્યક્રમ – તમારા સાચા સ્વયંના પ્રકાશને શોધો કાર્યક્રમનું શાનદાર આયોજન નવનાત સેન્ટર, પ્રિન્ટિંગ હાઉસ લેન, હેયસ, UB3 1AR ખાતે (નજીકનું સ્ટેશન હેઝ અને હાર્લિંગ્ટન) રવિવાર, 02 જુલાઈ 2023ના રોજ સાંજે 4:30 થી પ્રસાદ સાથે કરવામાં આવ્યું છે.
પવિત્ર જાપ બાદ સાંજે 6થી આધ્યાત્મિક પ્રવચનનો લાભ મળશે. પ્રવચન બાદ પૂજ્ય સ્વામી ચિદાનંદ સરસ્વતીજી અને પૂજ્ય સાધ્વી ભગવતી સરસ્વતીજી સાથે સત્સંગ અને પ્રશ્ન-જવાબનો લાભ મળશે. કાર્યક્રમ બધા માટે ખુલ્લો છે પણ ઑનલાઇન નોંધણી કરાવવા વિનંતી છે: https://Discover-true-self.eventbrite.com
- નેહરુ સેન્ટર, 8 સાઉથ ઓડલી સ્ટ્રીટ, લંડન W1K 1HF ખાતે ‘સભાન જીવન પર દીપક ચોપરાના એક વાર્તાલાપનું આયોજન રવિવાર 25 જૂન 2023 સવારે 11.00 કલાકે કરવામાં આવ્યું છે. આ વાર્તાલાપમાં નેહરુ સેન્ટરના ડાયરેક્ટર અમીશ ત્રિપાઠી ન્યૂયોર્ક ટાઈમ્સના બેસ્ટ સેલિંગ લેખક દીપક ચોપરા સાથે સભાન જીવન અને તમારા મન અને શરીરને સાજા કરીને જાગૃતિના નવા સ્તરો પરપહોંચવા અંગે વાત કરશે.
