ગુજરાતની સૌથી મોટી દૂધ સહકારી મંડળી બનાસ ડેરીના ચેરમેન તરીકે શુક્રવારે ભાજપના નેતા અને ગુજરાત વિધાનસભાના અધ્યક્ષ શંકર ચૌધરીની સર્વસંમતિથી પુનઃ વરણી કરાઈ હતી.
બનાસકાંઠા જિલ્લા સહકારી દૂધ ઉત્પાદક સંઘની ચૂંટણી પૂર્ણ થયા પછી શંકર ચૌધરીએ પત્રકારોને જણાવ્યું હતું કે અમારા બોર્ડે સર્વાનુમતે મને ચેરમેન તરીકે અને ભાવાભાઈ રબારીને ડેરીના ઉપાધ્યક્ષ તરીકે ચૂંટ્યા છે. યુનિયનમાં 18 બોર્ડ સભ્યો છે અને તે રાજ્યના 18 જિલ્લા દૂધ સંઘોમાંથી એક છે.
ચૌધરી 2015માં પરથી ભટોળના સ્થાને આવ્યા પછી બનાસ ડેરીના ચેરમેન છે. ડિસેમ્બરમાં ગુજરાત વિધાનસભાના અધ્યક્ષ તરીકે નિમણૂક થયા પછી તેઓ આ પદ સંભાળતા રહ્યા. તેઓ આગામી અઢી વર્ષ સુધી બનાસ ડેરીના ચેરમેન તરીકે ચાલુ રહે તેવી અપેક્ષા છે. ભાજપે પક્ષની પસંદગી અંગે તેના સભ્યો માટે મેન્ડેડ જારી કર્યા પછી તેઓ શુક્રવારે સર્વસંમતિથી ચૂંટાયા હતા. પક્ષના નેતાઓ જયંતિ કાવડિયા અને બિપિન પટેલ ચૂંટણી માટે બનાસ ડેરી ગયા હતા.
