ઓરમેક્સ મીડિયા દ્વારા દર મહિને લોકપ્રિય ફિલ્મ કલાકારોની યાદી જાહેર કરે છે. આ વખતે ફેબ્રુઆરી મહિનાની યાદી મુજબ, શાહરુખ ખાન ભારતનો સૌથી લોકપ્રિય ફિલ્મસ્ટાર છે. બીજા નંબરે સલમાન તથા ત્રીજા સ્થાને અક્ષયકુમાર છે. અભિનેત્રીઓમાં આલિયા ભટ્ટ પ્રથમ ક્રમે છે. બીજા સ્થાને દીપિકા તો ત્રીજા નંબરે કિઆરા અડવાણી છે.
શાહરુખ ખાન જાન્યુઆરીમાં પણ દેશનો ટોચનો એક્ટર હતો. હૃતિક રોશન ‘ફાઇટર‘ ફિલ્મના શૂટિંગમાં વ્યસ્ત છે અને તે ચોથા ક્રમાંકે છે. રણબીર કપૂર અત્યારે ‘તૂ જૂઠ્ઠી મૈં મક્કાર‘ને કારણે ચર્ચામાં છે, તે પાંચમા નંબરે છે. અભિનેત્રીઓમાં કેટરીના કૈફ ચોથા સ્થાને છે, તે હવે ‘ટાઇગર 3′માં જોવા મળશે. જ્યારે પાંચમા સ્થાને ક્રિતિ સેનન છે, તે છેલ્લે તેની નવી ફિલ્મ ‘શહેઝાદા‘માં જોવા મળી હતી.
