ઇન્ડોનેશિયાના મુખ્ય ટાપુ જાવામાં સોમવારે 5.6-તીવ્રતાના ભૂકંપથી ઓછામાં ઓછા 46 લોકોના મોત થયા હતા અને 700 ઘાયલ થયા હતા. ભૂકંપે સમગ્ર ટાપુને હચમચાવી નાંખ્યા હતો. તેનાથી અનેક ઇમારતોને નુકસાન થયું હતું અને ભૂસ્ખલન થયું હતું.
યુનાઇટેડ સ્ટેટ્સ જીઓલોજિકલ સર્વેના જણાવ્યા અનુસાર ભૂકંપ પશ્ચિમ જાવાના સિઆનજુર પ્રદેશમાં કેન્દ્રિત હતો અને તે રાજધાની જકાર્તાની સુધી અનુભવાયો હતો. જાકાર્તામાં ગભરાયેલા રહેવાસીઓ શેરીઓમાં દોડી આવ્યા હતા.
પશ્ચિમ જાવાના સિઆનજુર શહેરના વહીવટી વડા હરમન સુહરમેને બ્રોડકાસ્ટર કોમ્પાસ ટીવીને જણાવ્યું કે “તાજેતરની માહિતી મુજબ 46 લોકો માર્યા ગયા છે. ઘણા વિસ્તારોમાંથી પીડિતો આવી રહ્યા છે અને લગભગ 700 લોકો ઘાયલ થયા છે.” તેમણે કહ્યું કે ભૂકંપમાં હજારો ઘરોને નુકસાન થયું હશે. આંચકાથી સૌથી વધુ અસરગ્રસ્ત શહેરના સ્થાનિક વહીવટી વડાએ જણાવ્યું હતું કે મોટાભાગના મૃત્યુ એકલા એક હોસ્પિટલમાં ગણવામાં આવ્યા હતા. આસપાસના ગામોમાંના અન્ય ઘણા લોકોને રાહત અને બચાવ કામગીરી પહોંચાડવાની છે.
હર્મન સુહરમેને બ્રોડકાસ્ટર મેટ્રો ટીવીને કહ્યું, “મને હમણાં માટે જે માહિતી મળી છે, એકલા આ હોસ્પિટલમાં લગભગ 20 મૃત્યુ પામ્યા હતા અને ઓછામાં ઓછા 300 લોકોની સારવાર કરવામાં આવી રહી છે. તેમના મોટા ભાગનાને ઈમારતોના ખંડેરમાં ફસાઈ જવાથી ફ્રેક્ચર થયું હતું. સ્થાનિક મીડિયા અનુસાર ભૂકંપથી શહેરમાં દુકાનો, હોસ્પિટલ અને ઇસ્લામિક બોર્ડિંગ સ્કૂલને ભારે નુકસાન થયું હતું.
બ્રોડકાસ્ટર્સે સિઆનજુરમાં ઘણી ઇમારતો બતાવી હતી જેમાં તેમની છત તૂટી પડી હતી અને કાટમાળ શેરીઓમાં પથરાયેલો હતો.સુહરમેને જણાવ્યું હતું કે મૃત્યુની સંખ્યા વધી શકે છે કારણ કે શહેરની બહારના ગ્રામવાસીઓ હજુ પણ ફસાયેલા હોઈ શકે છે. અમે હાલમાં આ હોસ્પિટલમાં કટોકટીની સ્થિતિમાં એવા લોકોને સંભાળી રહ્યા છીએ. ગામડાઓમાંથી હોસ્પિટલમાં એમ્બ્યુલન્સ આવતી રહે છે.
ગયા વર્ષે જાન્યુઆરીમાં સુલાવેસી ટાપુને હચમચાવી દેનાર 6.2ની તીવ્રતાના ભૂકંપમાં 100 થી વધુ લોકો માર્યા ગયા હતા અને હજારો લોકો બેઘર થયા હતા.
