બેંગલુરુમાં સેમિકોન ઇન્ડિયા 2022 કોન્ફન્સનો પ્રારંભ કરતાં મોદીએ જણાવ્યું હતું કે ભારત ટેકનોલોજીની આગામી ક્રાંતિની આગેવાની લેવા સજ્જ છે
વડાપ્રધાન નરેન્દ્ર મોદીએ જણાવ્યું છે કે ભારત મજબૂત અર્થતંત્ર તરફ આગળ વધી રહ્યું છે અને 2030 સુધીમાં ભારતની સેમી કન્ડક્ટરની માગ વધીને 110 અબજ ડોલરને વટાવી જવાની ધારણા છે. ભારતમાં વિશ્વનું સૌથી વધુ ઝડપથી વિકસતું જતું સ્ટાર્ટ-અપ ઇકો-સિસ્ટમ છે.
બેંગલુરુમાં સેમિકોન ઇન્ડિયા 2022 કોન્ફરન્સનો પ્રારંભ કરતાં મોદીએ જણાવ્યું હતું કે ભારત ટેકનોલોજીની આગામી ક્રાંતિની આગેવાની લેવા સજ્જ છે અને 5G સહિતની બાબતોમાં ક્ષમતા ઊભી કરવા માટે રોકાણ થઈ રહ્યું છે. અમે આગામી ટેકનોલોજી ક્રાંતિમાં મોખરે રહેવાનો માર્ગ કંડારી રહ્યાં છીએ. અમે બ્રોડબેન્ડથી છ લાખ ગામડાને જોડાણ આપવાના માર્ગ પર છીએ. અમે 5G, ઇન્ટરનેટ અને ક્લિન એનર્જી ટેકનોલોજીમાં ક્ષમતા ઊભી કરવા માટે રોકાણ કરી રહ્યાં છીએ. સેમી કન્ડક્ટર માટે ભારતની પોતાની માગ હાલના 80 અબજ ડોલરથી વધીને 2030 સુધીમાં 110 અબજ ડોલર થવાની ધારણા છે.
દેશની આર્થિક તંદુરસ્તી અંગે મોદીએ જણાવ્યું હતું કે વિશ્વના સૌથી વધુ ઝડપથી વિકસતા સ્ટાર્ટ-અપ ઇકો સિસ્ટમ સાથે ભારત મજબૂત આર્થિક વૃદ્ધિ તરફ આગળ વધી રહ્યું છે. ભારતમાં દરેક થોડા સપ્તાહમાં નવા યુનિકોર્નનું સર્જન થાય છે.
મોદીએ વૈશ્વિક સેમિ-કન્ડક્ટર સપ્લાય ચેઇનમાં મહત્ત્વના ભાગીદાર તરીકે ભારતના સ્થાપિત કરવા હાઇટેક, હાઇ ક્વોલિટી અને હાઇ રિલાયેબિલિટીના સિદ્ધાંત આધારે આ દિશામાં કામ કરવા ઉદ્યોગને હાકલ કરી હતી.
ભારત સેમી કન્ડક્ટર ટેકનોલોજીમાં રોકાણ માટે આકર્ષક દેશ બન્યો હોવા માટેના કારણો આપતા વડાપ્રધાને કહ્યું હતું કે અમે 1.3 અબજ ભારતીયોને કનેક્ટર કરવા ડિજિટલ ઇન્ફ્રાસ્ટ્રક્ચરનું નિર્માણ કરી રહ્યાં છીએ અને યુપીએ હાલમાં વિશ્વની સૌથી કાર્યક્ષમ પેમેન્ટ સિસ્ટમ છે. સરકાર આરોગ્ય અને કુટુંબ કલ્યાણથી લઇને સર્વાંગીણ વિકાસ અને સશક્તિકરણ સહિત વહીવટના તમામ ક્ષેત્રોમાં ડિજિટલ ટેકનોલોજીનો ઉપયોગ કરીને પરિવર્તન લાવી રહ્યાં છીએ. સરકાર 21મી સદીની જરૂરિયાતો મુજબ ભારતના યુવાનોને તાલિમ આપીને તેની કુશળતા ધારદાર બનાવી રહ્યાં છીએ. ભારતમાં સેમી કન્ડક્ટર ડિઝાઇન એન્જિનિયર્સ મોટી સંખ્યામાં છે. વિશ્વના કુલ સેમીકન્ડક્ટર ડિઝાઇન એન્જિનિયર્સમાંથી 20 ટકા એન્જિનિયર્સ ભારતમાં છે.
