ગુજરાત એન્ટી ટેરરિસ્ટ ક્વોડ (એટીએસ) અને ઇન્ડિયન કોસ્ટ ગાર્ડે રવિવાર (25 એપ્રિલ)એ કચ્છ જિલ્લાના જખૌ દરિયાકાંઠે નવ પાકિસ્તાનની નાગરિકોની ધરપકડ કરી હતી અને તેમની બોટમાંથી 56 કિગ્રા હેરોઇન જપ્ત કર્યું હતું, એમ પોલીસે જણાવ્યું હતું.
પોલીસે જણાવ્યું હતું કે અલ-હજ નામની બોટને જખૌ દરિયાકાંઠાથી ઇન્ટરનેશનલ મેરિટાઇમ બોર્ડરલાઇનની ભારતીય સીમામાં 15 નોટિકલ માઇલે આંતરવામાં આવી હતી. ગુજરાત પોલીસ મહાનિર્દેશક (ડીજીપી) આશીષ ભાટિયાએ જણાવ્યું હતું કે ગુપ્ત માહિતીને આધારે આઇસીજી અને એટીએસની સંયુક્ત ટીમ આ પાકિસ્તાની બોટને આંતરી હતી. અધિકારીઓએ ઓળખ અંગે પૂછપરછ કરી ત્યારે આરોપીએ બોટમાં ભાગી જવાનો પ્રયાસ કર્યો હતો અને પાણીમાં બેગો નાંખવાનું ચાલુ કર્યું હતું. સંયુક્ત ટીમે બોટનો પીછો કર્યો હતો અને બોટને અટકાવવા માટે ફાયરિંગ કરવામાં આવ્યું હતું. આરોપીઓની ધરપકડ થઈ હતી અને રૂ.280 કરોડનું 56 કિગ્રા હેરોઇન ઝડપી લેવામાં આવ્યું હતું.
પાકિસ્તાનના સ્મગ્લર મુસ્તફાએ ડ્રગ મોકલાવ્યું હતું. આ રેકેટની તપાસ માટે નાર્કોટિક્સ કંટ્રોલ બ્યૂરોને પણ સામેલ કરવામાં આવ્યું હતું. પાકિસ્તાનના નવ આરોપીએને જખ્ખૌમાં અટકાયતામાં રાખવામાં આવ્યા હતા અને અમદાવાદમાં એટીએસના હેડક્વાર્ટર ખાતે લાવવામાં આવશે.
