- શૈલેષ રામ દ્વારા
બ્રિટનમાં અગાઉ ન જોઈ હોય તેવી ભૂમિકાઓ તરફ મહિલાઓ ખૂબ આગળ વધી રહી છે અને ગ્લાસ સીલીંગ તોડી રહી છે. યુએન ઇન્ટરનેશનલ વુમન્સ ડે, મંગળવાર તા. 8ના રોજ ગરવી ગુજરાત અને ઇસ્ટર્ન આઇના પબ્લિશર એશિયન મિડીયા ગૃપે હાઇ પ્રોફાઇલ અને ચમકદાર ‘GG2 લીડરશીપ એન્ડ ડાયવર્સિટી એવોર્ડ’ સમારોહમાં વિમોચન થયેલા ‘GG2 પાવર લિસ્ટ’માં તમામ વંશની ઉચ્ચ ઉડાન ભરતી મહિલાઓની ભૂમિકાની સરાહના કરવામાં આવી હતી.
ચાન્સેલર અને વડા પ્રધાન તરીકે બોરિસ જૉન્સનના અનુગામી બનવા માટે લોકપ્રિય ઋષિ સુનક સૌથી પ્રભાવશાળી બ્રિટિશ એશિયન તરીકે ટોચનું સ્થાન ધરાવે છે. ત્યારબાદ હેલ્થ સેક્રેટરી સાજિદ જાવિદ બીજા સ્થાને છે.
આ લીસ્ટમાં સૌથી શક્તિશાળી મહિલાઓમાં હોમ સેક્રેટરી પ્રીતિ પટેલ સર્વોચ્ચ ક્રમાંકિત ત્રીજા સ્થાને છે, જ્યારે સરકારના ચિફ લીગલ ઓફિસર એટર્ની જનરલ સુએલા બ્રેવરમેન 16માં સ્થાને છે.
યુકેમાં ભારતના હાઈ કમિશનર ગાયત્રી ઈસાર કુમારે GG2 પાવર લિસ્ટમાં મહિલાઓની સિદ્ધિઓની પ્રશંસા કરતાં ગરવી ગુજરાતને કહ્યું હતું કે “તે ખૂબ જ યોગ્ય છે કે GG2 પાવર લિસ્ટનું અનાવરણ આંતરરાષ્ટ્રીય મહિલા દિવસ પર કરવામાં આવી રહ્યું છે – જેમાં ઘણી ઉત્કૃષ્ટ મહિલાઓની સિદ્ધિઓનો સમાવેશ કરવામાં આવ્યો છે. મને એ જોઈને ખાસ આનંદ થયો છે કે આ યાદીમાં ઘણા મિત્રો છે જેમને મેં લંડનમાં મારા ફરજના પ્રવાસ દરમિયાન બનાવ્યા છે અને બે તો મારા બાળપણના મિત્રો છે. આ યાદીમાંના દરેક પ્રતિષ્ઠિત વ્યક્તિનું વ્યક્તિગત ઉદાહરણ ઘણાને પ્રેરણા આપશે.’’
ઈસ્ટર્ન આઈ અને ગરવી ગુજરાત સમાચાર સાપ્તાહિકો પ્રકાશિત કરતા અને GG2 લીડરશીપ એન્ડ ડાયવર્સિટી એવોર્ડ્સનું આયોજન કરતા એશિયન મીડિયા ગ્રુપ (AMG) ના એક્ઝિક્યુટિવ એડિટર શૈલેષ સોલંકીએ જણાવ્યું હતું કે “આ અદ્ભુત મહિલાઓ માટે આ એક અદ્ભુત પ્રમાણ છે કે ઘણી બધી મહિલાઓ ખૂબ જ નમ્ર અને વિનમ્ર પૃષ્ઠભૂમિમાંથી આવી છે અને તમામ અવરોધો સામે ટોચ પર પહોંચી છે. અમે વધુને વધુ મહિલાઓને ખૂબ વરિષ્ઠ સ્તરે પ્રતિનિધિત્વના નીચા સ્તરેથી કોર્પોરેટ જગતનું નેતૃત્વ કરતા જોઈ રહ્યા છીએ. અમે આવું વધુ જોવા માંગીએ છીએ, ખાસ કરીને વધુ બ્રિટિશ મૂળની એશિયન મહિલાઓ બોર્ડરૂમમાં પ્રવેશ કરે અને CEO બને. તેના માટે ખરેખર કોઈ બહાનું નથી – ત્યાં પ્રતિભા સ્પષ્ટપણે નજરે પડે છે – કારણ કે GG2 પાવર લીસ્ટ તે શક્તિશાળી રીતે દર્શાવે છે.”
યુકેમાં સત્તા અને પ્રભાવ માટેના સૌથી વ્યાપક માર્ગદર્શિકાઓમાંના એક અને એશિયન પૃષ્ઠભૂમિના ટોચ પર સ્થાન મેળવનાર 101 વ્યક્તિઓના પ્રોફાઇલિંગને રજૂ કરતા ‘GG2 પાવર લિસ્ટ’માં એવી ઘણી સ્ત્રીઓનો સમાવેશ થાય છે જેમની સિદ્ધિઓને વૈશ્વિક સ્તરે માન્યતા આપવામાં આવી છે. નવીનતમ GG2 પાવર લિસ્ટમાં, 14 નવી એન્ટ્રીઓ છે જેમાં 50 ટકા મહિલાઓ છે.
ગરવી ગુજરાત – ઈસ્ટર્ન આઈના અન્ય ટાઇટલ ‘GG2’ દ્વારા છેલ્લા 10 વર્ષોથી વાર્ષિક ધોરણે પ્રકાશીત ‘GG2 પાવર લિસ્ટ’ બ્રિટનમાં સમુદાયના મૂવર્સ અને શેકર્સને રજૂ કરે છે અને તે જાહેર અને કોર્પોરેટ જીવનના ઘણા ક્ષેત્રોમાં એશિયન મહિલાઓની પ્રગતિને દર્શાવે છે.
2022ની ‘GG2 પાવર લિસ્ટ’ આવૃત્તિમાં મહિલાઓ યાદીમાં 32નું એટલે કે ત્રીજા ભાગનું સ્થાન ધરાવે છે. જ્યારે પ્રથમ GG2 પાવર લીસ્ટ 2010 માં આ સંખ્યા માત્ર એક ડઝન કરતાં થોડી વધુ હતી. કોર્પોરેટ જગતમાં મહિલાઓનો ઉદય સ્પષ્ટપણે જોઈ શકાય છે.
ફ્રેન્ચ લક્ઝરી ફેશન અને જ્વેલરી બ્રાન્ડ ચેનલની આગામી વૈશ્વિક સીઇઓ બનનાર લીના નાયરે ગયા વર્ષે વિશ્વવ્યાપી હેડલાઇન્સમાં સ્થાન મેળવ્યું હતું. ભારતમાં જન્મેલા નાયરે 1992માં ભારતમાં મલ્ટિ-નેશનલ યુનિલિવરમાં મેનેજમેન્ટ ટ્રેઇની તરીકે શરૂઆત કરી હતી. તે પછી લંડન આવ્યા હતા અને 2013માં ડાયવર્સીટી અને ઇન્ક્લુઝનના વૈશ્વિક વડા બન્યા હતા. તેમણે આ વર્ષે જાન્યુઆરીમાં ચેનલના CEO બન્યા પહેલા તેઓ યુનિલીવર લીડરશીપ એક્ઝિક્યુટિવના સભ્ય હતા અને અનેક ચેરિટી અને કોર્પોરેટ બોર્ડમાં સેવા આપી હતી. 2016માં, નાયર યુનિલિવર માટે પ્રથમ મહિલા, પ્રથમ એશિયન અને સૌથી નાની ઉંમરના ચિફ હ્યુમન રિસોર્સ ઓફિસર બન્યા હતા. ચેનલના સીઈઓ તરીકે, તેઓ પેરિસના કોર્પોરેટ હેડક્વાર્ટરમાં નહીં પણ લંડનમાં રહેશે.
બે બાળકોની માતા નાયરે વતન મહારાષ્ટ્રમાં ઈલેક્ટ્રોનિક્સ અને ટેલિકોમ્યુનિકેશનનો અભ્યાસ કરી માસ્ટર ડિગ્રી લીધી હતી. નાયર ભારતમાં જન્મેલા અન્ય કોર્પોરેટ પાવરહાઉસ અને ઘણા વર્ષો સુધી પેપ્સિકોના વૈશ્વિક વડા રહેલા ઇન્દ્રા નૂયીના મેન્ટી છે. તેઓ $10 બિલિયનની વૈશ્વિક આવક સાથે સ્થાપિત કોચર બ્રાન્ડ ચેનલનું નેતૃત્વ કરે છે.
આ વર્ષની યાદીમાં ‘પોલર પ્રીત’ તરીકે ઓળખાતા કેપ્ટન હરપ્રીત ચાંડીનો સમાવેશ કરાયો છે. ભયંકર ધ્રુવીય પવનો, -50C ના તાપમાન સામે 90 કિલો વજનની બેકપેક વહન કરી નિર્ધારિત સમય પહેલા દક્ષિણ ધ્રુવની મુસાફરી એકલ પંડે મુસાફરી પૂર્ણ કરનાર પ્રથમ અશ્વેત મહિલા છે. સહનશક્તિની નોંધપાત્ર સિદ્ધિ ધરાવનાર કેપ્ટન ચાંડી વિશ્વભરમાં હેડલાઇન્સ બન્યા હતા. ડર્બીમાં જન્મેલા ફિઝિયોથેરાપીસ્ટ
એમ્પ્લોયરો માટે પોસ્ટર ગર્લ અને મહત્વાકાંક્ષી બ્રિટનનો ચહેરો બનેલા કેપ્ટન ચાંડીએ GG2 પાવર લિસ્ટ માટે મૂવિંગ ઇન્ટરવ્યુમાં કહ્યું હતું કે “આ નોકરીની ભરતી વિશે નથી, આ એંગેજમેન્ટ વિશે છે. તે માત્ર એટલું જ બતાવે છે કે હું એક એવી વ્યક્તિ છું, એક સ્ત્રી છું જેણે મારી સીમાઓને આગળ ધપાવી છે. હું સીમાઓ દ્વારા ધકેલાયેલી દક્ષિણ એશિયન સ્ત્રી છું. હા, હું એક આર્મી ઓફિસર પણ છું, અને જો તમને તેમાં રુચિ હોય, તો અદ્ભુત, અને જો તે ન હોય તો પણ, વાસ્તવમાં, તમે આર્મીમાં ઘણી બધી અલગ અલગ વસ્તુઓ કરી શકો છો. પરંતુ હું મારા અભિયાન વિશે વાત કરવા ત્યાં છું.”
ચાંડીએ દક્ષિણ સુદાનમાં બ્રિટન માટે સેવા આપતી વખતે ભારતીય સૈન્ય સાથેની મુલાકાતને યાદ કરતાં કહ્યું હતું કે “તેઓ મને દર અઠવાડિયે તેમના કેમ્પમાં આમંત્રિત કરતા હતા, જેથી હું રોટલી અને દાળ ખાઈ શકું. તેમણે મને એવો અહેસાસ કરાવ્યો હતો કે હું તેમના કુટુંબનો ભાગ છું. હું જે કહું છું તે તફાવતોને સ્વીકારવાનું ઠીક છે, પ્રતિનિધિત્વ ખૂબ મહત્વનું છે. જ્યાં પણ પૂર્વગ્રહ થાય છે ત્યાં તેનો સામનો કરવો મહત્વપૂર્ણ છે. હું શાંત રીતે કહેવા માંગુ છું, ગુરૂ નાનક જી [શીખ ધર્મના સ્થાપક] સમાનતામાં માનતા હતા. આપણે આ સ્થાને કેવી રીતે પહોંચ્યા છીએ જ્યાં આપણે માનીએ છીએ કે સ્ત્રીઓ સમાન નથી? કદી આપણે જૂની પેઢીના એવા લોકોને પૂછ્યું છે જેઓ આખું જીવન ઘરે જ રહ્યા હતા? શું તમે અથવા કોઈએ પણ તે વ્યક્તિને પૂછ્યું હતું કે, તેઓ શું કરવા માંગે છે, અથવા બહાર જઈને કારકિર્દી બનાવવા માંગે છે? અમે ઘણું બધું કરી શકીએ છીએ, અને લોકો જુદી જુદી સીમાઓ તોડી રહ્યા છે.”
યાદીમાં અન્ય શક્તિશાળી મહિલાઓમાં NHS પ્રાયમરી કેરના ડિરેક્ટર અને NHS રસી પ્રોગ્રામ માટેના ડેપ્યુટી અને પ્રેક્ટિસીંગ GP ડૉ. નિકિતા કાનાની MBE 23 નંબરે છે. જેઓ ડાઉનિંગ સ્ટ્રીટ ખાતે કોવિડ રોગચાળાના બ્રીફિંગ દરમિયાન વડા પ્રધાન બોરિસ જૉન્સનની બાજુમાં જોવા મળે છે.
ડૉ. કાનાણીએ કહ્યું હતું કે “સમાજમાં બ્રિટિશ સાઉથ એશિયન મહિલાઓના વધતા પ્રભાવને ઓળખીને આ સૂચિનો ભાગ બનવું એ સન્માનની વાત છે. NHSમાં લગભગ ત્રણ ચતુર્થાંશ કર્મચારીઓ મહિલાઓ છે, જેમાંની કેટલીકે NHS ઇતિહાસમાં સૌથી મોટા અને સૌથી ઝડપી રસીકરણ કાર્યક્રમનું નેતૃત્વ કર્યું છે. મને તેમના તેમજ દક્ષિણ એશિયન વારસાના લોકોની જાહેરાત કરવામાં ગર્વ થાય છે.”
કોર્પોરેટ હાઈ-ફ્લાયર અને બિઝનેસ કન્સલ્ટન્સી અને એકાઉન્ટિંગ જાયન્ટ KPMG ના અધ્યક્ષ બનનાર પ્રથમ મહિલા બીના મહેતા MBE 32મા ક્રમે છે.
તા. 8ના મંગળવારે GG2 લીડરશીપ એવોર્ડ્સમાં GG2 પાવર લિસ્ટનું અનાવરણ કરવામાં આવ્યું હતું.
પ્રકાશનની નકલ મેળવવા માટે, સૌરિન શાહનો સંપર્ક કરો: ઈમેલ [email protected] અથવા 020 7928 1234.
ગરવી ગુજરાતના આગામી આંકોમાં GG2 લીડરશીપ એવોર્ડ્સનું કવરેજ જોઇ શકશો.
