અમદાવાદ શહેરનાં વસ્ત્રાપુર વિસ્તારમાંથી સોમવારે ધોળે દિવસે આંગડિયા લૂંટનાં ચોંકાવનારા સમાચાર બહાર આવ્યા હતા. શહેરનાં વસ્ત્રાપુરની મહેન્દ્ર સોમા પટેલ આંગડિયા પેઢીના કર્મચારીઓની આંખમાં મરચું નાંખી રૂ. 2 કરોડની લૂંટને અંજામ અપાયો હતો.
બીજી તરફ ઘટના સ્થળની નજીકમાં જ ઉભેલી વસ્ત્રાપુર પોલીસે રૂ. 2 કરોડ લૂંટી ભાગતા જવા લૂંટારૂને ઝડપી પાડવામાં સફળતા મળી હતી. આરોપીને વસ્ત્રાપુર પોલીસ સ્ટેશને લાવવામાં આવ્યો હતો, આ કેસમાં આરોપી ઝડપાઇ જતા મોટી લૂંટની ઘટનામાં રૂપિયા પણ રિકવર થઇ ગયા છે. પોલીસે આરોપી સામે ગુનો નોંધીને કાર્યવાહી ચાલુ કરી હતી.
