બ્રિટનમાં ચાર લોકોના ઇન્ડિયન કોવિડ વેરિયન્ટથી મરણ થતા અને યુકેમાં ઇન્ડિયન વેરિયન્ટ ઝડપથી વિકસતો હોવાના અહેવાલો બાદ વડા પ્રધાન બોરિસ જોન્સને ડાઉનિંગ સ્ટ્રીટની પ્રેસ કોન્ફરન્સમાં જણાવ્યું હતું કે સોમવાર તા. 17થી પબ્સ અને રેસ્ટોરંટ્સમાં ઇન્ડોર ડ્રિંક્સ અને ભોજન પિરસવાનું શરૂ કરવામાં ચાલુ રાખવામાં આવશે. પરંતુ જે રીતે ઇન્ડિયન કોવિડ વેરિયન્ટનો ફેલાવો થઇ રહ્યો છે તે જોતાં જૂન માસમાં લોકડાઉન હળવુ કરતાં પહેલા વિચારવામાં આવશે. ઇન્ડિયન વેરિયન્ટ પ્રતિબંધોને સરળ બનાવવા માટેની યોજનાઓમાં ‘ગંભીર અવરોધ ઉભો કરી શકે છે’ અને જૂન માસમાં અપેક્ષા મુજબ તેમને સમાપ્ત કરવાનું ‘વધુ મુશ્કેલ બનાવે છે’.
B.1.617.2 ઇન્ડિયન સ્ટ્રેઇનના કેસો સમગ્ર યુકેમાં પાછલા અઠવાડિયામાં બમણાથી વધુ થયા છે, તા. 12 મે સુધીમાં તેના 1,313 કેસ મળી આવ્યા છે, જે અગાઉના અઠવાડિયે માત્ર 520 જ હતા.
મંત્રીઓએ ગઈરાત્રે કોવિડ-19ના ઇન્ડિયન વેરિયન્ટના પ્રસારને ધીમો કરવાની યોજનાને મંજૂરી આપી હતી. જોન્સને જણાવ્યું હતું કે કોરોનાવાયરસ રસીનો બીજો ડોઝ 50થી વધુ વયના અને ક્લિનિકલ રીતે નબળા લોકોને વધુ ઝડપથી આપવામાં આવશે. બે રસી વચ્ચેનું અંતર હાલના 12 અઠવાડિયાને બદલે પ્રથમ ડોઝ પછી આઠ અઠવાડિયા સુધીનું જ રાખવામાં આવશે.
સેજના વૈજ્ઞાનિકોએ ચેતવણી આપી હતી કે એવી ‘વાસ્તવિક શક્યતા’ છે કે ઇન્ડિયન વેરિયન્ટ, કેન્ટ વેરિયન્ટ કરતાં ઘણો વધુ ટ્રાન્સમિસિબલ છે અને ઉનાળા સુધીમાં એક દિવસમાં એક હજાર મોત નિપજાવી શકે છે. SPI-M પેટા જૂથે કહ્યું કે ‘’મ્યુટન્ટ B.1.617.2 વેરિયન્ટ હાલના પ્રભાવશાળી વેરિયન્ટ કરતાં વધુ ચેપી છે અને તે 50 ટકા વધુ સરળતાથી ફેલાય છે. એવી ચેતવણી આપવામાં આવી છે કે હાલની ઇંગ્લેન્ડની યોજના મુજબ જો 21 જૂનના રોજ તમામ લોકડાઉન પ્રતિબંધોને હળવા કરવા દબાણ કરાશે તો ઓટમ સુધીમાં દરરોજ 10,000થી વધુ લોકોને આ રોગ સાથે હોસ્પિટલમાં દાખલ કરવા પડશે. અને ખરાબ સંજોગોમાં આ આંકડો રોજના 20,000 દર્દીનો બની શકે છે.
હજી પણ આશાનું કિરણ એ છે કે સંશોધન સૂચવે છે કે રસીઓ હજુ પણ ઇન્ડિયન વેરિયન્ટ સામે કામ કરે તેવી સંભાવના છે, અને તે વધુ જીવલેણ બને છે તેવા કોઈ ચિહ્નો નથી. પરંતુ ઝડપી ટ્રાન્સમિશનથી એ ખતરો રહેશે કે વધુ લોકોને ચેપ લાગશે અને ‘રસીની નિષ્ફળતા’ માટે વધુ તકો સર્જાશે. લોકોએ રસી લીધી હશે તો પણ બીમાર થવાની શક્યતાઓ છે. જો કે આવું 5થી 15 ટકા કેસોમાં જ બની શકે તેમ છે.
ઇન્ડિયન વેરિયન્ટ હજી પણ દેશભરમાં લઘુમતી કેસો બનાવે છે – જેનું પ્રમાણ લગભગ 10 ટકા છે – પરંતુ તે ઝડપથી અને ખાસ કરીને બોલ્ટન, બ્લેકબર્ન, બેડફર્ડ અને સેફ્ટન જેવા હોટસ્પોટ્સમાં વધી રહ્યો છે, જ્યાં તેમાંથી અડધાથી વધુ પોઝીટીવ ટેસ્ટમાં ઇન્ડિયન વેરિયન્ટ હોવાની પુષ્ટિ થઇ છે. બોલ્ટન અને ફોર્મ્બી સહિતના 15 શહેરોમાં મોટા પ્રમાણમાં ટેસ્ટીંગ ચલુ થઇ ગયું છે અને કિશોરવયના લોકોને પણ રસી આપવાનું નક્કી કરાયું છે.
એપિડેમિઓલોજિસ્ટ પ્રોફેસર પોલ હન્ટરે કહ્યું હતું કે આ વાયરસ વેરિયન્ટ દેશભરમાં કેવી રીતે પ્રસરે છે તે જોવા માટે બેચેન થઇ પ્રતીક્ષા કરે છે. જો લોકો ગંભીર બીમારીથી હોસ્પિટલમાં વધુ પ્રમાણમાં દાખલ થશે તો જૂન માસમાં લોકડાઉન સમાપ્ત કરતા પહેલા વિચારવામાં આવશે. પરંતુ વેક્સિન મિનીસ્ટર નધિમ ઝાહાવીએ કહ્યું કે ઇનોક્યુલેશન રોલ આઉટ રોગચાળાને ફાટી નીકળવા માટે ‘ફ્લેક્સ’ કરશે. ઉચ્ચ ચેપવાળા વિસ્તારોમાં રહેતા વૃદ્ધ લોકોને ઇન્ટર-જનરેશનલ સ્પ્રેડને રોકવા માટે બીજી માત્રા પણ આપવામાં આવે છે.
દરમિયાન, સેજે આજે સૂચવ્યું હતું કે ઇંગ્લેન્ડ માટે આર રેટ થોડો વધીને 0.8 અને 1.1 ની વચ્ચે થઇ ગયો છે, જે ગયા અઠવાડિયે શક્ય 1.0 ની ઉંચી સપાટીએ હતો. જો આર રેટ એક કરતા વધારે હોય તો તેનો અર્થ એ થશે કે રોગચાળો ફાટી નીકળ્યો છે. યુકેમાં શુક્રવારે બીજા 2,183 દૈનિક કોવિડ કેસોની ઘોષણા કરવામાં આવી હતી, જે ગયા અઠવાડિયા કરતાં 12 ટકા ઓછા હતા. જ્યારે અન્ય 17 મૃત્યુ નોંધાયા હતા, જે ગયા શુક્રવારે 15 જ હતા.
પબ્લિક હેલ્થ ઇંગ્લેન્ડે જણાવ્યું હતું કે લંડનમાં 30% કરતાં વધુ કેસો ભારતીય વેરિયન્ટના કારણે થયા છે. રાજધાનીમાં આ તાણના 400 કેસ નોંધાયા છે. મતલબ કે 12 મે સુધીમાં નોંધાયેલા 1,300 કેસોમાં 31.5 ટકા પાછળ ભારતીય વેરિયન્ટનો ભાગ હતો. તેમાંથી ફક્ત 26 ટકા અથવા ફક્ત 100 ચેપ આંતરરાષ્ટ્રીય મુસાફરી સાથે જોડાયેલા હતા, જે સૂચવે છે કે તે સમુદાયમાં વ્યાપકપણે ફેલાય છે.
ભારત રેડ લિસ્ટમાં મૂકવામાં ખૂબ ધીમો નિર્ણય લીધો હોવાને કારણે બોરિસ જોન્સનને ટીકાઓનો સામનો કરવો પડ્યો હતો. હાલમાં કુલ 1,200 કેસમાંથી ફક્ત 13 જ કેસોમાં ફરીથી ચેપ લાગ્યો હતો જે પ્રમાણ ફક્ત એક ટકો હોવાનું માનવામાં આવતું હતું.
બોરીસ જોન્સને તા. 14ની રાત્રે જણાવ્યું હતું કે ‘’સોમવાર તા. 17થી અગાઉ જાહેર કર્યા મુજબ
ઘરની અંદર પારિવારિક સદસ્યોને હળવા મળવા દેવાની છૂટ, હોસ્પિટાલીટી ક્ષેત્રોમાં અંદર પ્રવેશ અને કુટુંબના સભ્યો માટે આલિંગન સહિતના નિયંત્રણો હળવા કરવાની યોજના આગળ વધશે. આ નવો વેરિયન્ટ વધારે પ્રસર્યો છે તે વિસ્તારોમાં જતા પહેલા ‘બે વાર વિચાર કરો’ અને તે વિસ્તારોમાં કુટુંબ અને મિત્રો સાથે રહેવા જતાં પહેલા તમારી વિવેકબુદ્ધિનો ઉપયોગ કરજો.’’
પબ્લિક હેલ્થ ઇંગ્લેન્ડે શુક્રવારે સવારે જાહેર કર્યું કે તા. 5 થી 12 મેની વચ્ચે કુલ 97 લોકોના મૃત્યુ થયા હતા. જે પૈકી 4 મરણ ઇન્ડિયન વેરિયન્ટના કારણે થયા હતા.
નિકોલા સ્ટર્જેને સ્કોટલેન્ડના લોકડાઉનને ધીમું બનાવતા ગ્લાસગો અને મોરેને સોમવારે કોરોનાવાયરસ પ્રતિબંધની સિસ્ટમના લેવલ 3 પર જાળવી રાખ્યું હતું. જ્યારે બાકીના વિસ્તારોને લેવલ 2 લાવ્યા હતા.
