માર્કેટકેપના સંદર્ભમાં એશિયાની સૌથી મોટી સોફ્ટવેર નિકાસકાર કંપની ટાટા કન્સલ્ટન્સી સર્વિસિસ (ટીસીએસ) ડોઇચ્ચ બેન્કના ટેકનોલોજી સર્વિસિસ યુનિટને હસ્તગત કરવાની અંતિમ તબક્કાની મંત્રણા કરી રહી છે, એમ આ ગતિવિધિથી માહિતગાર વ્યક્તિએ જણાવ્યું હતું.
પોસ્ટ બેન્ક સિસ્ટમ્સ અંગેની મંત્રણાને પગલે વર્ષના અંત સુધી ટીસીએસ સાથે સોદો થવાની શક્યતા છે. આ મંત્રણા હાલમાં ચાલું છે અને તેમાં વિલંબ થઈ શકે છે. ડોઇચ્ચ બેન્કના પ્રવક્તાએ આ મુદ્દે ટિપ્પણી કરવાનો ઇનકાર કર્યો હતો, જ્યારે ટીસીએસે પ્રતિનિધિનીએ કોઇ માહિતી આપી ન હતી. ટાટા કન્સલ્ટન્સી સર્વિસિસે 2008માં 5050 મિલિયન ડોલરમાં સિટીગ્રૂપના બેક ઓફિસ યુનિટને હસ્તગત કર્યું હતું.
