ડ્યુક ઓફ સસેક્સ પ્રિન્સ હેરી અને ડચેસ મેગન માર્કલની બાયોગ્રાફીને પગલે વિવાદ સર્જાયા બાદ હવે શાહિ પરિવારના આંતરિક વર્તુળઓએ પણ સિક્કાની બીજી બાજુ પ્રસ્તુત કરતા વિવાદ વધુ ઘેરો બનશે એમ સ્પષ્ટ જણાઇ રહ્યું છે. આ જીવનચરિત્રમાં હેરી અને મેગનને કેવી રીતે છૂટા કરવામાં આવ્યા તે અંગેના દાવાઓનો સમાવેશ કરવામાં આવ્યો છે. સ્નાન કરતી વખતે થતા ફેસટાઇમ મેસેજ – કોલ, અંગત વૉઇસમેલ્સ અને ભાઈઓ વચ્ચેની ખાનગી વાતચીતની ઘનિષ્ઠ વિગતો ‘ફાઇન્ડિંગ ફ્રીડમ’માં જે રીતે રજૂ થઇ છે તે જોતાં લેખકો સાથે મેગન અને પ્રિન્સ હેરીની સંડોવણી હોવા અંગે પ્રશ્નો ઉભા થયા છે.
આ બાયોગ્રાફી પ્રિન્સ હેરી અને મેગનના આશીર્વાદ સાથે લખવામાં આવી રહી હોવાના અને લેખકોને તેમના આંતરિક વર્તુળમાં પ્રવેશ મળ્યો હોવાના આક્ષેપ થઇ રહ્યા છે. જેમાં કુટુંબ, દરબારીઓ અને મીડિયા પર સ્કોર-સેટલમેન્ટ કરવામાં આવ્યું હોવાના અને અને દુષ્ટ પ્રચાર કરવામાં આવ્યો હોવાનું મનાય છે.
હેરી અને મેઘનના જીવનચરિત્રમાં ફર્મ દ્વારા તેમને કેવી રીતે દૂર કરવામાં આવ્યા તે અંગેના દાવાઓની એક શબ્દમાળા છે. 24 પ્રકરણોમાં ફેલાયેલા આ પુસ્તકમાં તેમના સંબંધની શરૂઆતથી જ હેરી અને મેગનને વિલિયમ અને કેટ તરફથી હળવાશથી લેવાતા હોવાનો આક્ષેપ થઇ રહ્યો છે. શાહી જીવનથી દૂર જતા મેગન અને હેરી માટે પડદા પાછળ ઘણું બધું કરનાર મહારાણીને પણ છોડવામાં આવ્યા નથી.
વિલિયમ અને હેરી વચ્ચે તનાવપૂર્ણ વાતચીતની ઘનિષ્ઠ વિગતોનો પણ જીવનચરિત્રમાં સમાવેશ કરાયો છે. લેખકો ઓમિડ સ્કોબી અને કેરોલીન ડ્યુરન્ડે મેગને તેના પિતાને મુકેલા વોઇસમેઇલ્સ પણ જાહેર કરાયા છે. સ્કોબી અને ડ્યુરન્ડ કહે છે કે તેઓ આ પુસ્તક માટે ‘મિત્રો અને સહાયકો સહિત 100થી વધુ સ્રોત’ સાથે વાત કરી ચૂક્યાં છે. જો કે મેગન અને હેરીએ આગ્રહ કર્યો છે કે બોમ્બશેલ બાયોગ્રાફી માટે તેમના ‘ઇન્ટરવ્યૂ લેવામાં આવ્યા ન હતા અને તેમણે ફાળો આપ્યો ન હતો’.
આ પુસ્તકનો અર્ક આ સપ્તાહના અંતમાં ધ ટાઇમ્સ અને ઘ સન્ડે ટાઇમ્સ દ્વારા સિરિયલ કરવામાં આવ્યો હતો.
