વૈશ્વિક મહામારી બનીને બે લાખથી વધારે લોકોના જીવ લઈ ચૂકેલા કોરોના વાયરસની વેક્સીની હ્યુમન ટ્રાયલ અમેરિકા વહેલી તકે શરૂ થશે. આ વેક્સીન ઈન્જેક્શનને બદલે ટેબલેટ સ્વરૂપમાં હશે. વૈજ્ઞાનિકોએ જણાવ્યું છે કે, આ વેક્સીનનું મોટા પાયે ઉત્પાદન આ વર્ષના અંત સુધી શરૂ થઈ શકે છે. અગાઉ ઈઝરાયેલ અને ઈટાલીએ પણ વેક્સીન બનાવવાનો દાવો કર્યો છે.
અમેરિકાની બાયોટેક કંપની વેક્સાર્ટના મુખ્ય વૈજ્ઞાનિક અને ઈમ્યુનોલોજિસ્ટ ડૉ. સીન ટકર કેલિફોર્નિયા સ્થિત લેબમાં કેટલીક અલગ-અલગ વેક્સીન પર પરિક્ષણ કરી રહ્યા છે. જેમાંથી કેટલીક જુલાઈની શરૂઆતમાં હ્યુમન ટ્રાયલમાં જશે. મહત્વની વાત એ છે કે આ વેક્સીન ઈન્જેક્શનની જગ્યાએ ટેબલેટના સ્વરૂપમાં હશે. ડૉક્ટર ટકરે જણાવ્યું કે, મને આશા છે કે આ વર્ષના અંત અથવા આગામી વર્ષની શરૂઆતમાં અમે કોરોનાની વેક્સીનનું મોટા પાયે ઉત્પાદન શરૂ કરીશું.
તેમણે અમેરિકાની સરકાર દ્વારા વેક્સીનની શોધ માટે જાહેર કરાયેલા ઓછા બજેટના વખાણ પણ કર્યા. ડૉ. ટકર જાન્યુઆરીથી જ કોરોના વેક્સીનની શોધ માટે પોતાની લેબમાં 8 સભ્યોની ટીમની સાથે અઠવાડિયાના સાત દિવસો કામ કરી રહ્યા છે. આ વેક્સીન મૃત એંડોનોવાયરસથી બનાવવામાં આવી છે. એંડોનોવાયરસને કારણે જ માનવ શરીરમાં સામાન્ય શરદી પેદા થયા છે. એંડોનાવાયરસ વધારે નુકસાનકારક હોત નથી. બાળપણમાં થનારી 10 ટકા બીમાીરી આ વાયરસને કારણે થાય છે.
