અમેરિકા અને ઈરાન વચ્ચેના તણાવ મુદ્દે અમેરિકાના પ્રેસિડેન્ટ ડોનાલ્ડ ટ્રમ્પે બુધવારના રોજ પત્રકાર પરિષદને સંબોધી હતી. ડોનાલ્ડ ટ્રમ્પે જણાવ્યું હતું કે, અમને કોઈ નુકસાન થયું નથી. માત્ર બે લોકો સામાન્ય ઈજાગ્રસ્ત થયા છે. કોઈપણ અમેરિકી સૈનિકનું મોત નીપજ્યું નથી.
હું અમેરિકન સેનાની હિંમતની પ્રસંશા કરું છું તેમને સલામ કરું છું. ઈરાન વિશ્વમાં મોટા સ્તરે આતંકવાદીઓને સમર્થન આપી રહ્યું છે. અમે થોડા દિવસ પહેલા એક એવા આતંકવાદીને પાડી દીધો હતો કે જે અમેરિકા તથા અમેરિકન નાગરિકોને ધમકીઓ આપી રહ્યો હતો. સુલેમાની ઘણા આતંકવાદી સંગઠનોને પોતાનું સમર્થન આપી રહ્યો હતો.
ડોનાલ્ડ ટ્રમ્પે આગળ જણાવ્યું હતું કે, તેના કારણે હજારોની સંખ્યામાં યુરોપિયન સેનાના જવાનોનું મૃત્યુ નીપજ્યું હતું. સુલેમાની પોતે અમેરિકાના સૈનિકો પણ હુમલાની યોજના બનાવી રહ્યો હતો. અમે તેને રોક્યો છે. અમે સુલેમાનીને મારીને સંદેશ આપ્યો છે કે અમેરિકા પોતાના નાગરિકોની દેખરેખ માટે તથા સૈન્યની દેખરેખ માટે કોઈપણ સ્તરે જઈ શકે છે.
સમય આવી ગયો છે કે અમેરિકા, જર્મની, ચીન, રશિયા અને બ્રિટન આ વાતને સાંજે અને જાણે કે ઈરાન પરમાણુ બૉમ્બ બનાવીને કેવી રીતે આતંકવાદીઓને મદદ કરી શકે છે. અમે ઈરાન પર આગળ પર પ્રતિબંધ લગાવી રાખવાના છીએ.
અમેરિકાના પ્રેસિડેન્ટ ડોનાલ્ડ ટ્રમ્પે જણાવ્યું હતું કે, અમે વિશ્વમાં સૌથી મોટા તેલ અને ગેસના ઉત્પાદક છીએ. અમે પોતે તેલ લેવા માટે ઈરાન અથવા બીજા કોઈ દેશ પર નિર્ભર નથી. અમે પહેલાની તુલનામાં મધ્યપૂર્વમાં ઘણા મજબૂત થયા છીએ.
ત્રણ મહિના પહેલા આઈએસઆઈએસના લીડર બગદાદીને મારી નાખ્યો હતો. તેઓ આઈએસઆઈએસને ફરીથી ઉભી કરવાના ફિરાકમાં હતા પરંતુ અમે તેને રોક્યો હતો. ISIS ઈરાનનો સૌથી મોટો દુશ્મન હતો છતાં પણ અમે તેને સમાપ્ત કરી દીધો હતો. આઈએસઆઈએસની હત્યા ઈરાન માટે સૌથી વધારે ફાયદાકારક રહી છે. અમેરિકા હંમેશા શાંતિનું પક્ષકાર રહ્યું છે.
