ઈન્ડિયન સ્પેસ રિસર્ચ ઓર્ગેનાઈઝેશન (ISRO)એ બુધવારે તેના 100મા મિશન સાથે એક ઐતિહાસિક સિદ્ધિ હાંસલ કરી હતી. ઇસરોએ પાંચ વર્ષમાં આગામી 100 મિશન લોન્ચ કરવાની મહત્વાકાંક્ષી ભાવિ યોજના પણ જાહેર કરી હતી.
1979માં SLV સાથે શરૂઆત કરીને, સ્પેસ એજન્સીએ 46 વર્ષ પછી 100-મિશનનો આંકડો પાર કર્યો હતો. ઇસરોએ તેના 62 મિશન સાથે PSLV મારફત પાર પાડ્યા હતા. પોલર સેટેલાઇટ લોન્ચ વ્હીકલ (PSLV) તેની અજોડ વિશ્વસનીયતાને કારણે ISROનું સૌથી વિશ્વસનીય રોકેટ બન્યું છે. પીએસએલવીનો ઉપયોગ 62 મિશન માટે કરવામાં આવ્યો છે, PSLVના ચાર વેરિયન્ટ છે, જેમાં PSLV-CA, PSLV-DL, PSLV-QL, PSLV-XLનો સમાવેશ થાય છે.
PSLV દ્વારા સફળતાપૂર્વક પ્રક્ષેપિત કરવામાં આવેલા કેટલાક મહત્વપૂર્ણ મિશનમાં મહત્વાકાંક્ષી ચંદ્રયાન-1 અને 2013માં માર્સ ઓર્બિટર સ્પેસક્રાફ્ટનો સમાવેશ થાય છે.
