નવા ચૂંટાયેલા કન્ઝર્વેટિવ પાર્ટીના નેતા કેમી બેડેનોકે મંગળવાર 5મી નવેમ્બર 2024ના રોજ ભૂતપૂર્વ હોમ સેક્રેટરી ડેમ પ્રીતિ પટેલ, એમપીની વરણી શેડો ફોરેન સેક્રેટરી તરીકે કરી છે. જ્યારે રોબર્ટ જેનરિક, એમપીની શેડો જસ્ટિસ સેક્રેટરી અને મેલ સ્ટ્રાઈડ, એમપીની વરણી શેડો ચાન્સેલર તરીકે કરી છે. બેડેનોકે નેતા પદ માટેના ત્રણેય હરીફોની ટોચના સ્થાને કરેલી વરણી કન્ઝર્વેટિવ પાર્ટીને એક કરવાના પ્રયાસ તરીકે કરી હોવાનું મનાય છે.
કેમી બેડેનોકે મંગળવારે સવારે પક્ષના નેતા તરીકે તેમની પ્રથમ શેડો કેબિનેટ બેઠકનું આયોજન કર્યું હતું. અઠવાડિયાના અંતમાં કેમી બાકીની ટીમની રોલિંગ ધોરણે નિમણૂક કરશે.
કેમી બેડેનોકે કહ્યું હતું કે “મને શેડો કેબિનેટની નિમણૂક કરતા આનંદ થાય છે, જે કન્ઝર્વેટિવ પાર્ટીના લોકોની પ્રતિભાને આધારે, ગુણવત્તાના આધારે અને અનુભવ અને પરિપ્રેક્ષ્યની વિશાળતા સાથે દોરે છે. અમારી પાર્ટીની સમસ્યાઓ માત્ર ટીમના પ્રયાસોથી જ ઉકેલાશે, અને મને વિશ્વાસ છે કે મારા શેડો કેબિનેટ મિનિસ્ટર્સ લોકોનો વિશ્વાસ પાછો મેળવવા અસરકારક વિરોધ કરશે.’’
તેમણે કહ્યું હતું કે “અમે હવે લેબરના કામ પર નજર રાખીને કામ કરીશું અને કન્ઝર્વેટિવ સિદ્ધાંતો અને મૂલ્યો પર આધારિત અમારી પાર્ટીનું પુનઃનિર્માણ કરીશું. અમારી મહાન પાર્ટીના નવીનીકરણની પ્રક્રિયા હવે શરૂ થઈ ગઈ છે.”
સંપૂર્ણ શેડો કેબિનેટ નીચે મુજબ છે:
- શેડો હોમ સેક્રેટરી: ક્રિસ ફિલ્પ, એમપી
- ડચી ઓફ લેન્કાસ્ટરના શેડો ચાન્સેલર અને નોર્ધર્ન આયર્લેન્ડ માટેના શેડો સેક્રેટરી: એલેક્સ બર્ગાર્ટ, એમપી
- શેડો સેક્રેટરી – ડિફેન્સઃ જેમ્સ કાર્ટલિજ, એમપી
- શેડો સેક્રેટરી – એજ્યુકેશન: લૌરા ટ્રોટ, એમપી
- શેડો હેલ્થ એન્ડ સોશિયલ કેર સેક્રેટરી: એડ અર્ગર, એમપી
- લેવલિંગ અપ, હાઉસિંગ અને કોમ્યુનિટીઝ માટેના શેડો સેક્રેટરી: કેવિન હોલિનરેક, એમપી
- એન્વાયર્નમેન્ટ, ફૂડ એન્ડ રૂરલ અફેર્સના શેડો સેક્રેટરી: વિક્ટોરિયા એટકિન્સ, એમપી
- બિઝનેસ એન્ડ ટ્રેડના શેડો સેક્રેટરી: એન્ડ્રુ ગ્રિફિથ, એમપી
- એનર્જી, સીક્યુરીટીસ, નેટ ઝીરો અને ઇક્વાલીટી માટેના શેડો મિનિસ્ટર: ક્લેર કોટિન્હો, એમ.પી.
- શેડો સેક્રેટરી – વર્ક એન્ડ પેન્શન: હેલેન વેટલી, એમપી
- શેડો સેક્રેટરી – ટ્રાન્સપોર્ટ: ગેરેથ બીકન, એમપી
- શેડો સેક્રેટરી – કલ્ચર, મીડિયા અને સ્પોર્ટ્સ: સ્ટુઅર્ટ એન્ડ્રુ, એમપી
- શેડો સેક્રેટરી – સાયન્સ, ઇનોવેશન અને ટેકનોલોજી: એલન માક, એમ.પી
- સ્કોટલેન્ડના શેડો સેક્રેટરી અને શેડો મિનિસ્ટર ફોર એનર્જી એન્ડ નેટ ઝીરો: એન્ડ્રુ બોવી, એમપી
- શેડો સેક્રેટરી ઓફ સ્ટેટ ફોર વેલ્સ અને શેડો મિનિસ્ટર ફોર વિમેન: મીમ્સ ડેવિસ, એમપી
- ઓપોઝીશન્સ ચીફ વ્હીપ (કોમન્સ): ડેમ રેબેકા હેરિસ, એમપી
- હાઉસ ઓફ કોમન્સના શેડો લીડર: જેસી નોર્મન, એમપી
- હાઉસ ઓફ લોર્ડ્સના શેડો લીડર: લોર્ડ ટ્રુ
- પાર્ટીના સહ-અધ્યક્ષ: નાઇજેલ હડલસ્ટન, એમપી અને લોર્ડ જોન્સન
- ટ્રેઝરીના શેડો ચીફ સેક્રેટરી: રિચાર્ડ ફુલર, એમપી
- પાર્લામેન્ટરી પ્રાઇવેટ સેક્રેટરી: જુલિયા લોપેઝ, એમપી.
