જન્માષ્ટમી સ્પેશિયલઃ બોલીવૂડની ફિલ્મોમાં રાધા-કૃષ્ણ આધારિત ગીતોની ઝલક

દેશ-વિદેશમાં વસતાં ભારતીયો ભારે ધામધૂમથી કૃષ્ણ જન્માષ્ટમીની ઉજવણી કરે છે. આ પર્વની ઝલક બોલીવૂડની ફિલ્મો અને તેના ગીતોમાં પણ જોવા મળે છે. અહીં જન્માષ્ટમી નિમિત્તે હિન્દી ફિલ્મોનાં કેટલાક એવાં ગીતો રજૂ કરવામાં આવ્યા છે. ખાસ તો કૃષ્ણને કેન્દ્રમાં રાખીને અને આ તહેવારને લઇને તે ગીતનું ફિલ્માંકન કરવામાં આવ્યું હોય. વિશેષમાં તો હવે આ ગીતો જન્માષ્ટમીની જાહેર ઉજવણી વખતે પણ વગાડવામાં આવે છે. આમ, હિન્દી ફિલ્મોમાં ભગવાન કૃષ્ણ આધારિત ગીતો અને જન્માષ્ટમીની ઉજવણી વખતે તેનો ઉપયોગ એકબીજાના પૂરક બની ગયા છે. આ તહેવારની ઉજવણીમાં સામાન્ય લોકોની સાથે ફિલ્મો અને ટીવીના કલાકારો પણ ખૂબ જ ઉત્સાહથી જોડાતા હોય છે.

ફિલ્મ ‘ઓહ માય ગોડ’નું આ ગીત દર્શકોમાં ઘણું લોકપ્રિય બન્યું હતું. જન્માષ્ટમીની ઉજવણીમાં આ ગીત ઠેકઠેકાણે ગવાતું હોય છે. આ ગીત વગર  તહેવારની ઉજવણી અધુરી હોય તેવું લાગે છે.

આયુષ્યમાન ખુરાના અને નુસરત ભરૂચાની ફિલ્મ ‘ડ્રીમગર્લ’નું આ ડાન્સ-ટ્રેક ભગવાન કૃષ્ણને સમર્પિત છે. આ ગીત સાંભળીને દરેકનું શરીર નૃત્ય કરવા મજબૂર બને છે.

ફિલ્મ ‘બાજીરાવ મસ્તાની’નું આ ગીત ‘મોહે રંગ દે લાલ…’ દીપિકા પદુકોણ પર ફિલ્માવાયું હતું. આ ગીતનો પણ ઉપયોગ  જન્માષ્ટમીના તહેવારે જોવા મળે છે.

જાણીતી ફિલ્મ ‘લગાન’નું  આ ગીત ‘રાધા કૈસે ન જલે…’ને ખૂબ જ લોકપ્રિય બન્યું હતું. આજે પણ આ ગીતને લોકો સાંભળે છે. લતા મંગેશકર અને ઉદિત નારાયણના અવાજમાં ગવાયેલું આ ગીત જન્માષ્ટમીમાં અચૂક સંભળાતું હોય છે.

સુરજ બડજાત્યાની ખૂબ જ જાણીતી ફિલ્મ ‘હમ સાથ સાથ હૈ’નું આ ગીત પણ ઘણું જાણીતું બન્યું હતું. સલમાન ખાન, સૈફઅલી ખાન, તબ્બુ, કરિશ્મા કપૂર અને સોનાલી બેન્દ્રે જેવા દિગ્ગજ કલાકારો અભિનિત આ પારિવારિક ફિલ્મ ખૂબ જ હિટ ગઇ હતી.

આ ગીત સુપરહીટ ફિલ્મ ‘બાહુબલી-2’નું છે. આ ગીતમાં ભગવાન કૃષ્ણના નટખટ સ્વરૂપને રજૂ કરવામાં આવ્યું છે. આ ગીતમાં અનુષ્કા શેટ્ટી અને પ્રભાસે અભિનય આપ્યો છે.

શશી કપૂર-ઝીનત અમાન અભિનિત ‘સત્યમ્ શિવમ્ સુંદરમ્’ ફિલ્મના આ ગીતમાં લતા મંગેશકર અને મન્ના ડેએ સ્વર આપ્યો હતો. બાળ કલાકાર પદ્મિની કોલ્હાપૂરે પર આ ગીતનું ફિલ્માંકન કરવામાં આવ્યું હતું.

ફિલ્મ ‘બ્લફ માસ્ટર’ના આ ગીતને પણ જન્માષ્ટમી અને દહીં-હાંડીના કાર્યક્રમોમાં અચૂક યાદ કરવામાં આવે છે.

અમિતાભ બચ્ચન અને પરવીન બાબી અભિનિત આ ગીત ‘ખુદ્દાર’ ફિલ્મનું છે. જેમાં આ ગીતનું ફિલ્માંકન જન્માષ્ટમીના તહેવારને ધ્યાનમાં રાખી કરવામાં આવ્યું હતું.આ ગીતમાં અમિતાભ બચ્ચન મટકી ફોડતા નજરે પડે છે.

સલમાન ખાન અને રાની મુખરજી અભિનિત ફિલ્મ ‘હેલો બ્રધર્સ’નું આ ગીત છે. આ ગીત પણ ખૂબ લોકપ્રિય બન્યું હતું.

વિવેક ઓબેરોય અને ઈશા શરવાનીના આ ગીત ‘વો કિસના હૈ…’ ભગવાન શ્રીકૃષ્ણના જન્મોત્સવ માટે શ્રેષ્ઠ ગીત છે. આ ગીતને પણ જન્માષ્ટમીના તહેવારે ખૂબ જ યાદ કરવામાં આવે છે.