ગયા વર્ષે 1 એપ્રિલના રોજ લોન્ચ થયા બાદ ઇંગ્લેન્ડમાં 500,000થી વધુ મહિલાઓએ નકારાત્મક મેનોપોઝ લક્ષણો માટેની મુખ્ય સારવાર હોર્મોન રિપ્લેસમેન્ટ થેરાપી – HRTની સસ્તી દવાઓ મેળવી છે. જેને કારણે પ્રિસ્ક્રિપ્શન ચાર્જીસમાં સેંકડો પાઉન્ડ બચાવવામાં મદદ મળી છે. આ HRT PPC એ પ્રિસ્ક્રિપ્શન ખર્ચને પ્રતિ વર્ષ માત્ર £19.30 સુધી ઘટાડ્યો છે.
HRT પ્રિસ્ક્રિપ્શન પ્રિપેમેન્ટ સર્ટિફિકેટ્સ (PPC) તેની વિશ્વની અગ્રણી મહિલા આરોગ્ય વ્યૂહરચનાના ભાગ રૂપે, નકારાત્મક મેનોપોઝના લક્ષણોનો અનુભવ કરતી સ્ત્રીઓ માટે સમર્થન વધારવા માટે સરકારી પહેલોની વ્યાપક યોજનાનો એક ભાગ છે. છેલ્લા નવ મહિનામાં PPCનો ઉપયોગ કરીને મહિલાઓ દ્વારા £11 મિલિયનથી વધુની બચત કરવામાં આવી છે.
PPCનો ઉપયોગ પેચ, ટેબ્લેટ અને સ્થાનિક તૈયારીઓ માટેની HRT આઇટમ માટે થઈ શકે છે. દર્દીઓ સમગ્ર વર્ષ દરમિયાન જરૂરિયાત મુજબ HRT PPC નો ઉપયોગ કરી શકે છે.
આમ હવે સરકાર મહિલાઓ માટે મેનોપોઝ સપોર્ટને વધુ સરળતાથી ઉપલબ્ધ કરાવી રહી છે. આ વર્ષે સરકારે સપ્લાયરો સાથે કામ કરીને તેમને વધતી માંગને પહોંચી વળવા પ્રોત્સાહિત કરવા અને ટેકો આપીને પુરવઠાની સમસ્યાઓનો સફળતાપૂર્વક સામનો કર્યો છે.
હેલ્થ એન્ડ સોસ્યલ સેક્રેટરી વિક્ટોરિયા એટકિન્સે કહ્યું હતું કે “હું આરોગ્યસંભાળને વધુ ઝડપી, સરળ અને ન્યાયી બનાવવા માટે કટિબદ્ધ છું. HRTનો વધુ સારી ઍક્સેસ લાખો લોકોના જીવનમાં સુધારો કરશે અને મહિલાઓને તેમના લક્ષણો પર નિયંત્રણ મેળવવાની સ્વતંત્રતા આપશે.’’
