અયોધ્યામાં રામમંદિરમાં એક સપ્તાહ લાંબા પ્રાણપ્રતિષ્ઠા મહોત્સવનો મંગળવાર 16 જાન્યુઆરીથી પ્રારંભ થયો હતો. 22 જાન્યુઆરીમાં મંદિરમાં રામ લલ્લાની મૂર્તિ સ્થાપિત કરાશે. વડા પ્રધાન નરેન્દ્ર મોદીએ 5 ઓગસ્ટ, 2020 ના રોજ ભવ્ય રામ મંદિરના નિર્માણ માટે “ભૂમિ પૂજન” કર્યા પછી અયોધ્યામાં મોટા પાયે પરિવર્તન આવ્યું છે.
મંદિર ટ્રસ્ટ દ્વારા 7,000થી વધુ લોકોને આમંત્રણ આપવામાં આવ્યું છે અને તેમાં ક્રિકેટના દિગ્ગજ સચિન તેંડુલકર અને વિરાટ કોહલી, બોલિવૂડ સુપરસ્ટાર અમિતાભ બચ્ચનનો સમાવેશ થાય છે. મંદિરમાં ભવ્ય સમારોહ માટે શહેર સજ્જ થઈ રહ્યું છે, જેમાં વડા પ્રધાન નરેન્દ્ર મોદી હાજરી આપશે.
રામમંદિરમાં રામ લાલાની મૂર્તિ સ્થાપિત કરવાનો સમય 22 જાન્યુઆરી 2024ના રોજ સવારે 12:29થી 12:30 સુધીનો રહેશે. પ્રાણ પ્રતિષ્ઠા માટે માત્ર 84 સેકન્ડનો શુભ સમય હશે. અયોધ્યામાં આ માટે વહીવટીતંત્ર તડામાર તૈયારીઓ કરી રહ્યું છે. 22 જાન્યુઆરીએ માત્ર આમંત્રણપત્ર ધરાવતા લોકો જ અયોધ્યા જઈ શકશે. આ દિવસે અયોધ્યા એરપોર્ટ પર 100થી વધુ વિમાનો ઉતરવાની સંભાવના છે.
16 જાન્યુઆરી 2024 – આ દિવસથી રામલલ્લાની મૂર્તિના નિવાસની વિધિ પણ શરૂ થશે.
17 જાન્યુઆરી 2024 – આ દિવસથી રામલલ્લાની પ્રતિમાની શોભા યાત્રા કાઢવામાં આવે છે.
18 જાન્યુઆરી 2024 – આ દિવસથી પ્રાણ પ્રતિષ્ઠાની વિધિ શરૂ થશે. મંડપ પ્રવેશ પૂજા, વાસ્તુ પૂજા, વરુણ પૂજા, વિઘ્નહર્તા ગણેશ પૂજા અને માર્તિકા પૂજા થશે.
19 જાન્યુઆરી 2024 – રામ મંદિરમાં યજ્ઞ અગ્નિદાહની સ્થાપના કરાશે. ખાસ પદ્ધતિથી અગ્નિ પ્રગટાવવામાં આવશે.
20 જાન્યુઆરી 2024 – રામ મંદિરના ગર્ભગૃહને 81 કલશથી પવિત્ર કરાશે, આ કળશમાં પવિત્ર નદીનું જળ હશે, બાદ વાસ્તુ શાંતિ વિધિ પણ થશે.
21 જાન્યુઆરી 2024 – આ દિવસે, યજ્ઞ વિધિમાં વિશેષ પૂજા અને હવનની વચ્ચે, રામ લલા 125 કળશથી દિવ્ય સ્નાન કરાશે.
અભિષેક 22 જાન્યુઆરી 2024 ના રોજ થવાનો છે. આ દિવસે મધ્યકાળમાં મૃગશિરા નક્ષત્રમાં રામલલ્લાની મહાપૂજા થશે.
