ઈંગ્લેન્ડની ક્રિકેટ ટીમ આ મહિને ભારતના પ્રવાસે જવાની છે, જ્યાં તે પાંચ ટેસ્ટ મેચની સીરીઝ રમશે. પ્રથમ ટેસ્ટ મેચ 25 જાન્યુઆરીએ શરૂ થશે અને પાંચમી તથા અંતિમ ટેસ્ટ મેચ 7 થી 11 માર્ચ દરમિયાન હિમાચલ પ્રદેશના ધરમશાલામાં રમાશે.
આ પ્રવાસ માટેની ઈંગ્લેન્ડની ક્રિકેટ ટીમની જાહેરાત કરી દેવાઈ છે, જ્યારે ભારતીય ટીમ હવે પછી જાહેર કરાશે.
આ સીરીઝ માટે ઈંગ્લેન્ડની ટીમનો સુકાની બેન સ્ટોક્સ રહેશે, તો 16 સભ્યોની ટીમમાં જોની બેરસ્ટો તથા બેન ફોક્સ વિકેટકીપર રહેશે. ટીમ આ મુજબ છેઃ
બેન સ્ટોક્સ (સુકાની), રેહાન અહેમદ, જેમ્સ એન્ડરસન, ગસ એટકિન્સન, જોની બેરસ્ટો, શોએબ બશીર, હેરી બ્રુક, જેક ક્રોલી, બેન ડકેટ, બેન ફોક્સ (વિકેટકીપર), ટોમ હાર્ટલે, જેક લીચ, ઓલી પોપ, ઓલી રોબિન્સન, જો રૂટ અને માર્ક વુડ.
પાંચ ટેસ્ટની સીરીઝનો કાર્યક્રમ આ મુજબ છેઃ
પ્રથમ ટેસ્ટ: 25થી 29 જાન્યુઆરી, હૈદરાબાદ
બીજી ટેસ્ટ: 2થી 6 ફેબ્રુઆરી, વિશાખાપટ્ટનમ
ત્રીજી ટેસ્ટ: 15થી 19 ફેબ્રુઆરી, રાજકોટ
ચોથી ટેસ્ટ: 23થી 27 ફેબ્રુઆરી, રાંચી
પાંચમી ટેસ્ટ: 7થી 11 માર્ચ, ધરમશાલા
