લંડનની પાર્ક પ્લાઝા વેસ્ટમિન્સ્ટર હોટેલમાં તા. 7 નવેમ્બરના રોજ અગ્રણી ઇન્ડિપેન્ડન્ટ ગ્રોસરી રીટેઇલર્સની ઉપસ્થિતીમાં દેશના મહાન રિટેલર્સની સિદ્ધિઓની સરાહના કરતા એશિયન ટ્રેડર એવોર્ડ્સ એનાયત કરાયા હતા.
સેન્ટ્રલ લંડનમાં નદી કિનારે આવેલ પાર્ક પ્લાઝાના ભરચક બૉલરૂમમાં ઉપસ્થીત મહેમાનોમાં લેબર એમપી બેરી ગાર્ડિનર જેવા રાજકારણીઓ અને પ્રખ્યાત બેકિંગ પરિવારના બ્રેટ વોરબર્ટન સહિત ગ્રોસરી ઉદ્યોગની હસ્તીઓ, યુકેના ઘણા અગ્રણી ઉત્પાદકો અને સપ્લાયરોના એક્ઝિક્યુટિવ્સ અને નેતાઓનો સમાવેશ થયો હતો.
ઈસ્ટ એન્ડર્સ સ્ટાર નીતિન ગણાત્રાના ઉત્કૃષ્ટ કરિશ્મા અને તેમની પરંપરાગત રમૂજના સ્ટ્રોક સાથે આ ભવ્ય ગાલા ડીનરનું આયોજન કરાયું હતું. જેમાં લોર્ડ કરણ બિલિમોરિયા અને ગનર્નમેન્ટ મિનિસ્ટર અને એમપી માર્ક સ્પેન્સર સહિત ઉદ્યોગ અને રાજકારણના દિગ્ગજોએ હાજરી આપી હતી. પાર્ક પ્લાઝાના બૉલરૂમમાં ઉપસ્થિત 600 મહેમાનો સમક્ષ એવોર્ડ વિજેતા અગ્રણીઓની અદ્ભુત સિદ્ધિઓની સરાહના કરતા માર્ક સ્પેન્સરે ઉત્સાહપૂર્ણ ભાષણ આપ્યું હતું.
સમી સાંજનો મુખ્ય એવોર્ડ – એશિયન ટ્રેડર ઓફ ધ યર 2023 – કલ્પેશ “પીટર” પટેલને એનાયત કરાયો હતો. તેઓ તેમના ટ્રેડમાં માસ્ટર છે અને એક સંપૂર્ણ કન્ઝ્યુમર રીટેઇલર છે, જેમની પાસે કન્વીનીયન્સ રીટેઇલીંગ માટેનો જુસ્સો છે. જજીસે જણાવ્યું હતું કે, તેઓ જે કરે છે તે દરેક બાબતમાં ચમકે છે. પીટર હરીફાઈને પસંદ કરે છે અને પ્રેરણાદાયી સંદેશ પહોંચાડે છે કે તેઓ ખરેખર તેમની પોતાની દુકાનની નજીકમાં બહુ બધા કન્વીનીયન્સ ચેઇન સ્ટોર્સ હોય તેવું પસંદ કરે છે. કારણ કે તેનો અર્થ એ છે કે તે દુકાનદારો પહેલેથી જ તેમની સ્ટ્રીટમાં ફૂટફોલ લાવીને તેમના માટે અડધું કામ કરી રહ્યા છે!
આ એક એવી લાગણી છે જે તેમના આઉટગોઇંગ અને ઉદ્યોગસાહસિક વ્યક્તિત્વનો સરવાળો કરે છે, અને આ વર્ષે તમામ વિજેતાઓ દ્વારા પ્રદર્શિત ઊર્જા અને પ્રતિભાની પણ લાક્ષણિકતા હતી, જેમને નિર્ણાયકોએ મુક્તપણે સ્વીકારી હતી. પીટરની જીત સાબિત કરે છે કે મહત્વની બાબતો સતત સારી રીતે કરવાથી મોટી સફળતા મળે છે.
એશિયન ટ્રેડર એવોર્ડ્સ અગ્રણી વિજેતા રીટેઇલર્સના ગુણો રજૂ કરે છે અને વિજેતાઓની ગુણવત્તાએ સાબિત કર્યું હતું કે લાંબી, સખત મહેનત થકી તે બધું સાર્થક થયું હતું. રિટેલરોએ પોતે વર્ષ દરમિયાન વેચેલા શ્રેષ્ઠ ઉત્પાદનો માટે મત મેળવ્યા હતા.
એકંદરે શ્રેષ્ઠ ગ્રોસરી પ્રોડક્ટ માટેનો પુરસ્કાર પ્લાડિસના સ્વાદિષ્ટ અને ખૂબ જ વેચી શકાય તેવા McVitieના ગોલ્ડ બિલિયન્સ વેફરને મળ્યો હતો.
હોલસેલ સેક્ટર, સુપરમાર્કેટ પાવરની સામે કન્વીનીયન્સ ચેનલની સધ્ધરતા માટે ખૂબ જ જરૂરી છે. જેને રિટેલરો દ્વારા પણ સન્માનિત કરવામાં આવ્યું હતું.
ટાયસ્લી, બર્મિંગહામના એજી પાર્ફેટ્સને હોલસેલ ડેપો ઓફ ધ યરનો એવોર્ડ આપવામાં આવ્યો હતો, જેને આ વર્ષે જ સમયે શરૂ કરવામાં આવ્યો હતો.
ઈસ્ટર્ન આઈના પબ્લિશર્સ, એશિયન મીડિયા ગ્રૂપના સ્વર્ગસ્થ સ્થાપકના નામ પરથી રાખવામાં આવેલ ‘ધ રામ સોલંકી એવોર્ડ ફોર એક્સેલન્સ ઇન કન્વીનીયન્સ એન્ડ હોલસેલ’ એવોર્ડ નેસ્લેના જેસન સ્ટોકર દ્વારા સ્વીકારવામાં આવ્યો હતો. તેમની કંપનીમાંની કારકીર્દિએ તેમને જાણીતા બનાવ્યા છે અને ગ્રોસરી સેક્ટર્સના તમામ સ્થાપિત વ્યક્તિઓ દ્વારા તેમને ખૂબ જ પ્રિય બનાવ્યા છે. આ સન્માન તેમની લાંબી સેવા અને ઉષ્માભર્યા વ્યક્તિત્વની સારી રીતે લાયક માન્યતા હતી.
2023 માટેનો નવો અને આવકારદાયક એવોર્ડ બિઝનેસવુમન ઓફ ધ યર હતો. તેના ફાઇનલિસ્ટ્સની પ્રભાવશાળી ક્ષમતાને જોતાં, કદાચ બધા પુરસ્કારોમાં તેનો નિર્ણય કરવો સૌથી મુશ્કેલ હતો. બિઝનેસવુમન ઓફ ધ યર એવોર્ડ કેય પટેલે જીત્યો હતો. તેમની માન્યતા છે કે “તમારા કમ્ફર્ટ ઝોનમાં રહેવું એક અવરોધ છે.” તેમણે વિટલી, સરેમાં તેમના સ્ટોર માટે પોતાની જાતને સાધનસંપન્ન, કલ્પનાશીલ અને સારી રીતે લાયક વિજેતા સાબિત કરી હતી.
બોલરૂમમાં યોજાયેલા ડીનરમાં વાઇન સાથે પીરસવામાં આવેલ કોબ્રા બીયરના સ્થાપક તરીકે ખ્યાતિપ્રાપ્ત લોર્ડ બિલિમોરિયાએ ‘ઑફ લાયસન્સ ઑફ ધ યર એવોર્ડ’ રજૂ કર્યો હતો.
મુખ્ય સ્પોન્સર JTI ખાતે કોમ્યુનિકેશન ડિરેક્ટર તરીકે સેવા આપતા સારાહ કોનોરે પ્રેરક ભાષણ આપ્યું હતું જેને એકત્ર થયેલ રિટેલર્સ દ્વારા હૃદયમાં લેવામાં આવ્યું હતું. તેમણે આ ક્ષેત્ર દ્વારા હાલમાં સામનો કરી રહેલા મુખ્ય મુદ્દા તરફ ધ્યાન દોર્યું હતું – જેમાં વયના આધારે સિગારેટ ખરીદવા પર સૂચિત કાયમી પ્રતિબંધ લાદવાની દરખાસ્ત છે. તેમણે કહ્યું હતું કે, “આ દરખાસ્ત ઉદાર લોકશાહીની પરંપરાઓ વિરુદ્ધ જાય છે અને અમને નથી લાગતું કે તેને રાજકીય ધૂન પર ફેંકી દેવી જોઈએ”.
એશિયન ટ્રેડરના આસિસ્ટન્ટ પબ્લિશર શેફાલી કલ્પેશ સોલંકી-નાયર દ્વારા આપવામાં આવેલા સ્વાગત પ્રવચનમાં આ બાબતનો પડઘો પાડવામાં આવ્યો હતો. તેમણે નોંધ્યું હતું કે આ પ્રતિબંધ સગીર વયના છે કે કેમ તે તપાસને વધુ કઠિન બનાવશે, “ગેરકાયદેસર તમાકુની વૃદ્ધિ તરફ દોરી જશે. જેને કારણે સ્થાનિક સ્તરે અને ઓર્ગેનાઇઝ્ડ ક્રાઇમમાં વધારો થશે. અને તે અપરાધના વિષય પર – અન્ય એક મુખ્ય રિટેલિંગ ક્રાઇમ માથાનો દુખાવો બનશે. શેફાલીએ નવા રિટેલ ક્રાઈમ એક્શન પ્લાન, પ્રોજેક્ટ પેગાસસને આવકાર્યો હતો જે દેશભરના રિટેલરો માટે આશા છે.
શેફાલીના ભાઈ જૈમિન સોલંકીએ આ વર્ષે ડીવાઇન શક્તિ ફાઉન્ડેશન વતી પરંપરાગત ચેરિટી અપીલ કરતું વક્તવ્ય આપ્યું હતું, જે અનાથ બાળકો તેમજ તાલીમ, તક અને ભવિષ્યથી વંચિત મહિલાઓ માટે શિક્ષણ પૂરું પાડે છે.
મિનિસ્ટર ઓફ સ્ટેટ ફોર ધ ડીપાર્ટમેન્ટ ઓફ એન્વાયર્નમેન્ટ, ફૂડ એન્ડ રૂરલ અફેર્સ માર્ક સ્પેન્સરે, ઇન્ડિપેન્ડન્ટ ગ્રોસરીના રીટેલ વિક્રેતાઓ દ્વારા ભજવવામાં આવતી મહાન સામાજિક અને સામુદાયિક ભૂમિકાને શ્રદ્ધાંજલિ આપતાં કહ્યું હતું કે “સરકાર માન્યતા આપે છે કે કન્વિનીયન્સ સ્ટોર્સ બ્રિટિશ સામાજિક ફેબ્રિકનો અને મજબૂત, સુમેળભર્યા ભવિષ્ય માટેની અમારી દ્રષ્ટિનો એક ભાગ છે. તમે બધા અમારા સમુદાયોને એકસાથે લાવવામાં નિર્ણાયક ભૂમિકા ભજવો છો. તમે અમારા ગ્રામીણ સમુદાયોમાં એકલા રહેતા પડોશીઓ માટે વિશ્વાસપાત્ર, મૈત્રીપૂર્ણ અને દયાળુ ચહેરો છો. અને તમારામાંના દરેક લોકો વધુ સંવેદનશીલ ગ્રાહકોને શોધવા તમારા માર્ગમાંથી બહાર નીકળો છો.”
તેમણે ક્રાઈમ વેવની સમસ્યાઓનો પણ સ્વીકાર કરી ઉપસ્થિત રીટેઇલર્સને ખાતરી આપી હતી કે “અમે તમારા સાથીદારો અને તમારા ગ્રાહકોની સુરક્ષા સુનિશ્ચિત કરવા માટે રિટેલર્સ, વેપારી સંસ્થાઓ અને પોલીસ સાથે મળીને કામ કરવાનું ચાલુ રાખીએ છીએ.”
એશિયન ટ્રેડર એવોર્ડ્સના પ્રખ્યાત અને રૂઢિગત “સામાજિક વાતાવરણ” સાથે એ સાંજ બિઝનેસ અને સામાજિક બંને રીતે સફળ રહી હતી. પહેલેથી જ લોકોમાં રસ ઉભો કરનાર આ સમારોહ આવતા વર્ષે આ જ સ્થળે 5 નવેમ્બરના રોજ, ગાય ફોક્સના સૌજન્યથી, વધુ સારા લાઇટ શો દ્વારા નિઃશંકપણે પ્રતિષ્ઠિત રીતે રજૂ થશે.
